Angela Martini - E bukura e New Yorkut

Bukuroshja shqiptare, Angela Martini ka hyrë në mesin e vajzave më të bukura të New Yorkut. Në një intervistë dhënë mandatory.com. Martini ka folur për epitetin e një bukurosheje në një qytet të madh, për Shqipërinë dhe për meshkujt që asaj i pëlqejnë më shumë.

Jeni një adhuruese e Twitter? Çfarë është ajo që ju pëlqen nga kjo faqe?

Po, adhuruesit e mi mund të më përcjellin në @Angela_Martini. Me pëlqen të komunikoj me adhuruesit e mi, të shikoj se çka pëlqejnë nga jeta ime dhe të dëgjoj çfarë më thonë ata. Pjesa e fundit që më ka pëlqyer nga Twitter është se mund të postoni më shpejt cicërima, edhe pse ndonjëherë mund të pendohesh për këtë. Por, ka një rregull në jetë, “Kurrë mos u pendo në atë që shkruan”, kështu që nuk shlyej asgjë nga cicërimat e mia.

Ju keni lindur në Shqipëri, keni emigruar në Zvicër dhe tani jetoni në SHBA. Cili është vendi që e konsideroni si shtëpinë e juaj?

Shpesh e quaj veten kameleon, sepse mund të adaptohem lehtë. Asnjë nga këto vende nuk flasin gjuhën e njëjtë dhe po ashtu nuk janë aspak të njëjtë, sidomos në aspektin e kulturor. Për momentin New Yorku është shtëpia ime, por një vend special në zemrën time kanë edhe Shqipëria dhe Zvicra.

Ju përfunduat e pesta në finale të Miss Universe në vitin 2010. A është kjo një përvojë në të cilin do të garonit përsëri, normalisht për të fituar?

Jo, në të vërtetë kjo ka ndodhur aksidentalisht. Nuk prisja që të garoja në Miss Universe. Ditën pasi përfundoi gara vrapova për të bërë punën e modeles. Isha bërë Miss Shqipëria dy javë më parë para se të garoja në konkursin e bukurisë Miss Universe.

Cilat kanë qenë momentet argëtuese kur ju ishit Miss Universe Albania?

Të them sinqerisht nuk më kujtohen; gjithçka ndodhi shumë shpejt. Çdo ditë ishte e zënë më së paku pesë ngjarje. Vetëm më kujtohet kur hanim bukë, kur të tjerët më gjenin pranë kuzhinierit duke shijuar gjithçka, veçanërisht desertët (ato ishin gjëja që preferoja).

Çfarë stili të meshkujve pëlqeni?

Stili i mashkullit nuk duhet të definohet në teshat që vesh, por mënyra si kujdeset për vetveten. I urrej meshkujt që janë paksa të ashpër; me pëlqejnë ata me dukje klasike dhe të thjeshtë. Me pëlqejnë meshkujt, të cilët mund të veshin një xhaketë të bukur sportive apo një bluzë apo me fermerka që i shkojnë për shtati. Po ashtu, parfumi që përdor është më i rëndësishëm se veshjet për mua. Më pëlqejnë meshkujt që kanë aromë të mirë në trup.

Sipas mendimit tuaj, çfarë e bën një mashkull me stil apo të modës?

Një mashkull kurrë nuk duhet veshur lesh. Mashkulli mendoj se duhet t’i shmanget teshave nga leshi, përjashto këtu eskimezët dhe personat që jetojnë në vendet e ftohta të cilët duhet t’i mbijetojnë të ftohtit.

Së fundmi jeni emëruar si “njëra prej vajzave më të bukura të New Yorkut”. A jeni beqare? Si është që dikush të takohet me njërën prej femrave më të bukura në qytetin më të madh të Amerikës?

Jam beqare për momentin, por jam e hapur për të gjitha mundësitë. Kurrë nuk i dihet; sot jeni beqare, nesër jo. Unë veproj shumë shpejt dhe përgjigjen JO nuk jepi për herë të parë.

Si po ju ecën puna me “Martini Bikini”?

Shumë mirë! Kam lansuar koleksionin tim të parë që do të jetë në të gjitha dyqanet e Miamit, New Yorkut dhe Kalifornisë deri në fund të majit dhe të gjithë mund të blejnë bikinit e linjës sime nga 20 prilli nga ueb-faqja ime. Për momentin po punoj në koleksionin e vitit 2013, me të cilin pritet të debutojmë gjatë verës në Miami. Është shumë mirë dhe me pëlqen sepse po mësoj shumë gjëra. Është një sfidë e re për mua dhe jam e gatshme për të vepruar.

A keni ndonjë plan të ri për karrierë apo biznes në vitet që vinë?

Çdo ditë, çdo minutë kam ide dhe projekte të reja në mendjen time. Ajo që duhet bërë është që të jeni të gatshëm – sepse shumë gjëra nga unë do t’i gjeni në dyqan. Kemi aq shumë për të bërë, por edhe pak kohë, kështu që duhet të ndërtojmë një skuadër të madhe dhe të mençur, të cilët do të ndihmojnë se në cilin drejtim duhet të niset. Mirëpo, është më rëndësi që për momentin të jemi të fokusuar dhe unë të përpiqem të tregoj vlerat e mia.

A ka ndonjë fakt për të cilin ne nuk e dimë?

Kur isha gjashtëvjeçare, në Shqipëri mësova gjuhën italiane duke shikuar filma vizatimorë. Mësova të flas shumë mirë dhe që nga atëherë flas shkëlqyeshëm italishten. Po ashtu, i di pesë gjuhë të tjera që shumë pak persona i dinë. Gjuhët që di janë: shqip, gjermanisht, dialektin zviceran të gjermanishtes, italishten dhe anglishten. /gazetaexpress/