Pit e Jolie dasmë në 11 gusht, në 50 vjetorin e martesës së prindërve!

SHBA, 2 maj 2012, NOA - Po afrojnë ditët e asaj që u quajt martesa e viti. Paparacët nga e gjithë bota, do të kenë më pak se tre muaj kohë për t’u përgatitur për ditën e madhe. Revista prestigjoze “Glamour” ka publikuar datën në të cilën dy nga yjet e Hollivudit do të lidhin kurorë. Angelina Jolie dhe Brad Pit pritet të martohen më 11 gusht 2012 në kështjellën e tyre në Francë. Data e zgjedhur nuk është e rastësishme. Të shtunën e datës 11 gusht prindërit e Brad Pitt festojnë përvjetorin e tyre të martesës. Për këtë arsye, çifti Jolie e Pit kanë vendosur të kombinojnë këto dy data. Një numër i madh njerëzish po merren me detajet e dasmës dhe me të ftuarit të cilët pritet të jenë plotë 300 vetë, duke përfshirë të famshmit Johnny Depp, Matt Damon, Tom Cruise dhe George Clooney. Këto janë fjalët e burimit anonim afër çiftit: "Familja e Brad vërtetë do të thotë shumë për Angelinën, sidomos duke pasur parasysh që për vite ka refuzuar të flasë me babain e tij dhe se më shumë se pesë vjet më parë, nëna e saj Marcheline vdiq nga kanceri. Pra, ajo vendosi ta kthehej dasmën e saj në një festë të vërtetë familjare, në të cilën do të festohet edhe 50- vjetori i prindërve të bashkëshortit të saj të ardhshëm Brad”. /l.xh/noa.al/