Berisha me lot në sy nga Elbasani: Shpirti i tyre të gjejë paqen e merituar!

Kryeministri Sali Berisha i cili rreth orës 14:30 mbërriti në aeroport, fill nga atje bëri homazhe në Universitetin “Aleksandër Xhuvani” në Elbasan në nder të 11 studenteve të këtij universiteti. Në fjalën e tij Berisha u shpreh se, “Dramë e madhe që përjetuam dhe përjetoi vendi ga ndarja nga jeta e vajzave të këtij universiteti të cilat ishin nisur në një udhëtim për të shijuar bukuritë e vendit të tyre. Uroj që shpirti i tyre të gjejë paqen e merituar, uroj që familjarët prindërit të gjejnë forcën për të përballuar këtë dhimbje të tmerrshme. I lutem Zotit që të plagosurit të shërohen sa më shpejt sikundër i garantoj që do bëjmë gjithçka që plagët e tyre të mbyllen sa më mirë’. Siç raporton noa.al, ai e mbylli fjalën e tij mes lotëve duke shprehur edhe një herë ngushëllimet më të thella familjet e 11 vajzave të ndara nga jeta si dhe të dy meshkujve që vdiqën bashkë me to.

a.y/noa.al