Kujdes, leximi i “e-mail”-eve i bën keq shendetit!

Shkencëtarët kanë marrë në shqyrtim njerëz, të cilëve u kanë matur pulsacionin kardiak gjate leximeve te postes elektronike.

Injoro mesazhet e postës elektronike për të jetuar më mirë. Këtë ka treguar një studim i kryer nga “University of California Irvine”. Shkencëtarët kanë marrë në shqyrtim një kampion njerëzish, të cilëve u kanë matur pulsacionin kardiak gjatë një dite pune në zyrë. Një tjetër grupi u është lejuar të kontrollojnë "e-mail"-et, vetëm në disa periudha të ditës. Si përfundim rezultoi se të parët përjetuan një gjendje ankthi përgjatë të gjithë ditës, ndërsa grupit të dyti i shtoheshin pulsimet kardiake, pikërisht me afrimin e orarit, kur duhet të kontrollonin “e-mail”-in.

Tashmë edhe dalja e ‘smartphone’ duhet t’i ketë bërë njerëzit më të prirur për të kontrolluar gjithmonë e më shumë e-mailin dhe kjo s’ka bërë gjë tjetër, veçse ka shtuar nivelet e stresit. Kufizimi i aksesit në postën elektronike, jo vetëm duket se mund të përmirësojë vetë shërbimet e punonjësit, por do t’i bënte shumë më mirë edhe zemrës së tij. /ikub/