Meditimi ndihmon ne perqendrim!

Shkencëtarët kanë vërejtur lidhje të përmirësuara të trurit pasi pjesëmarrësit e studimit të bërë kanë bërë stërvitje meditimi për vetëm 11 orë. Vetëm një muaj praktikimi i meditimit rregullon lidhjet e trurit në aso mënyra që do të mund të hapeshin dyert për trajtime të reja të çrregullimeve mendore, ka konstatuar studimi. Shkencëtarët kanë shikuar efektet e stërvitjeve integruese të trupit dhe mendjes (IBMT) në dy grupe studentësh universiteti. Pas vetëm katër javësh, apo 11 orë, stërvitje, skanimet kanë treguar ndryshime fizike në trurin e vullnetarëve.

Fibrat e nervave, të njohura si “lëndë e bardhë”, ishin bërë më të dendura, duke dhënë një numër më të madh të lidhjeve sinjalizuese të trurit. Në të njëjtën kohë ka pasur një zgjerim të melinit – një material jopërçues që formon një shtresë mbrojtëse rreth fibrave të neuroneve të trurit.

Efektet janë vërejtur në regjionin e trurit prej nga edhe kontrollohen sjelljet.

Aktiviteti i dobët i nervit në këtë pjesë të trurit është i lidhur me një numër problemesh mendore, përfshirë çrregullimin e mungesës së vëmendjes, depresionin, çmenduria dhe skizofrenia.