Fundi i “ri” i botes? Ndoshta vjen qe me 22 shtator...!

Kësaj here nuk lidhet aspak me profecinë Maya, por frika vjen nga Dielli. Nuk po gjen dot paqe njerëzimi, me datat e parashikuara për fundin e botës. E kur për momentin ishim ndoshta duke pritur se ç'do të ndodhë më 21 dhjetor 2012, tani vjen 22 shtatori: nga të dhënat e fundit, duket se deri atëherë do të kemi kohë për të realizuar çdo dëshirë tonën. Shkaku? Kësaj here nuk lidhet më me profecinë Maya, por frika vjen nga qielli e saktësisht nga Dielli. Në qendër të gjithçkaje është një stuhi diellore, që pritet më 22 shtator 2012. Pas rreth dy javësh, planeti ynë mund të përfshihet nga një stuhi elektromagnetike, në gjendje për asgjësuar. Kishte kohë që NASA lëshonte paralajmërime për pasojat e aktivitetit diellor, vetëm se kulmi pritej nga fundi i vitit 2012 dhe fillimi i 2013-s. Sidoqoftë, edhe data 22 shtator është zgjedhur në mënyrë arbitrare, teksa si të vërteta mbi këtë çështje për momentin mund të konsiderohen vetëm pasojat që mund të sjellë një event i tillë. Për momentin flitet vetëm në trajtën e hipotezës, mirëpo për të parë se ç'do të ndodhë vërtet, mbetet të pritet e shtuna e 22 shtatorit.