Fiton Berisha, sipas Exit Poll

Partia Demokratike e Sali Berishës është fituese në zgjedhjet e përgjithshme në Shqipëri.

PD ka fituar 47.5% të votave, ndërsa PS e Edi Ramës fitoi 38.8%. LSI e Ilir Metës ka fituar 6.5%, ndërsa 7.2% të tjerët.

Këto rezultate janë publikuar në TV Klan, në bazë të Exit Poll, të realizuar nga Instituti për Studime Humanistike “Gani Bobi”.

Rezultatet janë llogaritur nga 10051 anketa me votuesit në mbarë Shqipërinë. Marshi i gabimit llogaritet 1 deri 1.5 %.

Ky është vetëm një rezultat parashikues, i nxjerrë në bazë të anketave. Rezultatet e para zyrtare, që i jep KQZ, pritet të dalin më vonë.

Rezultatet e mandateve të fituara sipas koalicioneve:

PD 76 mandate
PS 60
LSI 4

Rezultatet në nivel kombëtar:

PD 47.5%
PS 38.8%
LSI 6.5%
Të tjera 7.2%