Makinat e se ardhmes, elektrike dhe me shtytje nga rrotat!

T’i japësh shtytje një makine elektrike, direkt nga motorët me bateri të përfshirë në brendësi të disqeve të rrotave. Kjo është teknologjia e realizuar nga Protean Electric. Kompania e re, që ka marrë dhjetëra milionë dollarë investitorë amerikanë e kinezë, është duke punuar edhe për ndërtimin e një impianti prodhimi në Kinë, për zhvillimin dhe realizimin e teknologjisë “In-Wheel Electric Drive”, ose më saktë sistemi për të instaluar motorët elektrikë për lëvizshmërinë e makinës në brendësinë e rrathëve të rrotës.

Administratori i deleguar i Protean Electric është Bob Purcell, “baba” i EV-1, mjeti i parë elektrik modern, i administruar nga ish-punëdhësnësi i tij, “General Motors” në fund të viteve ’90. “Sistemi 'Protean Drive' – ka shpjeguar një komunikatë e Protean Electric – është në gjendje të përmirësojë efikasitetin në kursimin e karburantit, të shtojë fuqinë dhe të lejojë një manovrim më të mirë për mjetet e reja dhe ato ekzistuese”.

Konfiguracioni “In-Wheel Electric Drive” redukton numrin e komponentëve, kompleksitetin e sistemit dhe kostot, përderisa nuk është nevoja për t’iu drejtuar komponentëve tradicionale për transmetimin, si ingranazhe të jashtëm, transmetitorë, semiakse, apo diferencialë. Motorët “Direct-drive” të instaluar në rrota nuk kërkojnë komponentë të tjerë mekanikë, duke dhënë kështu një fleksibilitet më të madh për projektuesit e mjeteve, teksa reduktojnë dukshëm fuqinë e absorbuar nga transmetitori. Reduktimii i humbjeve të sistemit të forcës shtytëse do të thotë shpërdorim më të vogël energjie, si në fazën e përshpejtimit, edhe në frenimin rigjenerativ, me si rrjedhojë përfitim të energjisë nga bateria e vënë në dispozicion për lëvizshmërinë e mjetit. /ikub/