Teuta kalon Vllazninë 1-0, mjafton Mancaku!

Teutës i mjaftoi goli i Mancakut i shënuar në minutën e 27 të pjesës së dytë për të marrë tri pikë shumë të rëndësishme përballë Vllanisë, e cila kishte udhëtuar me shumë pretendime drejt Durrësit. Me këtë humbje shkodranët nuk shfrytëzuan asistin e dhënë nga Besa, për t’iu afruar kreut të rënditjes që edhe pas kësaj jave vijon të mbahet nga Skënderbeu. Ky takim nuk u ngjit për asnjë moment në nivelin e pretenduar, pasi të dyja skuadrat e bazuan lojën në mesin e fushës, pa krijuar rrjedhshmëri me aksione të zhdërvjellta.

Edhe fraksioni i dytë nuk ofroi ritëm të lartë, pavarësisht ngulmimit të shkodranëve për të barazuar rezultatin.

Rasti më i mirë për skuadrën e Duros vjen në minutën së 82, kur malazezi Delic goditi tranversën pas një goditjeje të lirë, i ndihmuar edhe nga devijimi i një mbrojtësi. Vetëm pak minuta pas këtij momenti, Shtubina ndërhyri mënyrë të parregullt ndaj portierit Rizvani, i cili pati nevojën e ndihmës së mjekëve për të rinisur lojën.

Në minutat e fundit Vllaznia hidhet në sulm për të mos dalë pa pikë nga Niko Dovana, por rrezikon të ndëshkohet edhe nga goli i dytë nëpërmjet kundërsulmit, sic ishte rasti i Hoxhës në minutat shtesë.

Me këtë fitore Teuta ngjitet në vendin e 6, ndërsa Vllznia ia lë vendin Besës për efekt golaverazhi. /BS/