Agnesa Vuthaj, më e suksesshme pa të dashur!

Suksesi në karrierë po vazhdon çdo ditë e më shumë, ndonëse puna dhe vullneti për të ecur përpara bënë që modelja e njohur Agnesa Vuthaj të arrijë deri këtu. Ajo tani po e ndien veten më mirë se kurrë për faktin se dëshira në modelim iu është realizuar dhe tani po e merret edhe me organizime të shumta të bukurisë. Mbase disa vjet me radhë ajo ka organizuar edhe spektaklin “Miss Kosova” në të cilën ka pasur mjaftë sukses. Tërë këtë sukses ajo po e arrin edhe falë të qenit singël, ngase siç thotë edhe vet ajo më mirë arrin sukses në qoftë se është vetë, se sa sikur të ishte e lidhur me dikë. “Të qenit singël po bënë që unë të jetoj jetën ashtu siç dëshiroj duke iu përkushtuar maksimalisht karrierës dhe familjes dhe dukë mos më penguar askush. Në realitet edhe po kam mjaftë kohë për tu marrë me profesionin tim dhe sikur të isha e lidhur me dikë, besoj se nuk do të kisha mundur t’i arrijë këto që i kam arritur deri më tani në fushën e modelimit”.

Përveç modelimit të cilin e konsideron si hobi, Agnesa është e dhënë edhe pas udhëtimeve, në realitet ajo deri më tani ka arritur të vizitoj shumë vende të botës dhe deri në fundvit planifikon të vizitoj edhe disa vende të cilat nuk i ka parë deri më tani. “Jam e dhënë pas udhëtimeve, në realitet deri më tani kam vizituar shumë vende të botës. Tani në fundvit planifikoj të vizitoj edhe ndonjë ishull në ndonjë vend të largët”, shton ajo.

Në këto udhëtime Agnesa zakonisht është e shoqëruar me familjen apo me ndonjë shoqe. “Meqë nuk kam të dashur natyrisht se në udhëtime gjithnjë jam e shoqëruar qoftë me familjen apo me ndonjë shoqe time” thekson ajo.

Ndërsa sa i përket angazhimeve në fushën e modelimit, Agnesa na bënë të ditur se është duke punuar në disa projekte dhe sapo të jetë gati do ti shpalos në opinion.