Zbulohet nje superToke e re afer nesh!

Mund të mos jemi të vetëm në Univers, pasi me shumë mundësi duhet të jetë zbuluar një planet i banueshëm, jo shumë larg nga Toka jonë. Bëhet fjalë për planetin e shtatë të yllit HD 40307, jo shumë larg nga sistemi ynë: 43-44 vite dritë, një distancë jo gjigante për standardet yjore. Aq më tepër duke pasuyr parasysh se vetëm para disa muajsh, teleskopi Kepler zbuloi planetin 22B që gjendet plot 600 vite drite larg nesh.

Planeti në fjalë quhet HD 40307g, është 7 herë më i madh se Toka, por ndodhet në zonën e banueshme të yllit të vet, pak a shumë si planeti ynë me Marsin. Ylli është më i vogël se Dielli ynë, teksa planeti i vërtitet shumë më afër sesa bën Toka, prandaj orbita e planetit është më e shpejtë. Si rrjedhojë, një vit shkon rreth 200 ditë tokësore.

Shumë shpejt mund të kemi lajme të freskëta nga HD 40307g, përderisa teleskopët e rinj hapësinore mund të jenë në gjendje për të zmadhuar imazhe e të dhëna në këto distanca që ekzistojnë. Sipas specialistëve, planeti është në zonën e duhur për t’u banuar: “Eshtë në një orbitë të krahasueshme me atë të Tokës, gjë që i shton mundësinë për t’u banuar”. Faktikisht për momentin dihet fare pak për këtë “kushëririn” tonë të largët. “Deri tani s’dimë nëse jemi përpara një Toke shumë më të madhe, apo për një version më të vogël e më të nxehtë të Neptunit, megjithatë pa një sipërfaqe solide”, tregon Mikko Tuomi, i Universitetit të Hertfordshire Kjo do të thotë se tani për tani nuk dihet nëse planeti është shkëmbor, apo jo. /ikub/