“Pazari” me iluzioni se mund t’u vini planeteve emrat tuaj!

Me më pak se një dollar, emri juaj mund t'i vihet edhe një planeti. Këtë e ofron Wingu, kompania që shet mundësinë për të pagëzuar planetet, por edhe asteroidet, përtej sistemit tonë diellor. Me vetëm 99 cent, gjithçka është e mbaruar, teksa në dispozicion janë miliona e miliona planete.

Biznesi mund të duket vërtet një farë kuptimi, ndonëse si përfundim, nuk bëhet gjë tjetër veçse lidhet emri me planetin, vetëm në databasen e "Wingu". Nuk mund të blihet asgjë tjetër e nuk ka as siguri nëse një kompani konkurrente mund të rishesë të njëjtin planet.

Kompania e shoqëron shitjen me "software" të vlefshëm për të gjurmuar planetin emrin e të cilit i keni vënë, si dhe përmes një marketingu të bërë prej kontributesh në projektin SETI (Search for Extraterrestrial Intelligence), plus edhe iniciativa didaktike për të rinjtë. Si përfundim, faktikisht shitet vetëm një iluzion i këndshëm, aq sa mund të thuhet se bëhet fjalë për një mashtrim, përderisa shitet diçka që nuk zotërohet ligjërisht.