Adelina: Kam vendosur të heq dorë nga muzika, ja arsyet!

Adelina Ismajli, këngëtarja e njohur 34-vjeçare, ka deklaruar se heq dorë nga muzika, ndërsa ka dhënë recitalin e saj që ajo e ka cilësuar të parin dhe të fundit, ndërsa ishte e ftuar të rrëfente gjithçka për veten të enjten në mbrëmje në “Top Show” për Alban Dudushin. Intervista, e cila u njoftua nga vetë këngëtarja në faqen e saj zyrtare në facebook, u ndoq nga shumë shikues të “Top Channel”, për faktin se këngëtarja i ka pasur të rralla intervistat e saj në televizionet shqiptare për veten. “Jap recitalin e parë në Shqipëri, një intervistë plot të pathëna, si asnjëherë më parë”, është shprehur këngëtarja, e cila ishte prezente në “Top Show” për të promovuar klipin e saj të ri për këtë 100- Vjetor pavarësi me titull “Skënderbe”. Për perfomacën e saj në këtë program të orës së vonë, fansat kanë bërë thirrje për audiencë në lidhje me show-n që pritej të bënte me të ftuar specialë, të cilët rrëfyen për punën me Ismajlin dhe gjithçka për idenë e saj për të nxjerrë një klip, që i dedikohet Skënderbeut. Performancën e saj në “Top Show” fansat e kanë komentuar me superlativa: “Me një zë fantastik që mbylli shumë gojë gënjeshtare, me një videoklip kryevepër, me një spontanitet e sharm para së cilit të gjithë u dorëzuam, me një inteligjencë që sfidon dhe humor që na kënaqi… Me një natyralitet që e lakmojnë të gjithë, një bukuri që nuk lë të qetë askënd…Një stil tendencë që askush nuk arrin ta sjellë, vetëm Adelina Ismajli, e cila ka dhënë kështu recitalin e saj të parë dhe të fundit në Shqipëri”. Më tej thuhej se “ky koncert i saj, po aq na lumturoi sa edhe na hidhëroi, pasi s’do të ketë më tillë”. Ndërkohë mediat kosovare kanë shkruar se Adelina, e cila njihet për marrëdhëniet e saj të acaruara me mediat shqiptare, ka kohë që vepron jashtë vendit, ndërkohë që gjithmonë e ka lënë të hapur opsionin e kthimit në vendlindje. Adelina Ismajli ka publikuar këngën e saj të re me videoklip, të titulluar “Skënderbe” në 100-vjetorin e Pavarësisë.
Pas klipit “Ku ma ke”, ku ajo shfaqej sensuale, në këngën e re me tekst patriotik ndryshon krejtësisht stil në këtë videoklip, ku u bën thirrje për bashkim të gjithë shqiptarëve kudo që janë. Në këngë ajo bën një gjithëpërfshirje të historisë shqiptare, duke filluar nga heronjtë e Ilirisë, si Teuta dhe duke vazhduar me Gjergj Elez Alinë, princeshën Argjiro dhe deri te Nënë Tereza. Adelina numëron 20 vite karrierë në skenën shqiptare, edhe pse prej 10 vitesh hyrja e parë në një televizion shqiptar ishte ajo në “Big Brother Albania”. “Miss Kosova” e 1997-s ka ngjallur kuriozitet me jetën e saj personale dhe sukseseve në karrierë, ndërsa ka intriguar me performancat provokative e me karakterin e saj. Historitë e saj të dashurisë janë përmendur gjithmonë në faqet e shtypit rozë. Ndërkohë që për gazetën “Panorama” ajo ka qenë e gjithmonë e gatshme për të dhënë intervista ku rrëfehej për jetën e saj, për sa u përket intervistave televizive në Tiranë rrëfimi i fundit për “Top Show” vjen pas atij në verë te “Pasdite në Top Channel”.

Vargjet nga kënga “Skënderbeu”

Skënderbe nipat ja ku i ke
Keni besë kanuni jo nuk vdes
Skënderbe a po e sheh
Po bahet ni e jonja Shqiptari
Ku jeni Gjergj Kastrioti
Plisin nuk e ndryshon moti
Mos shikoni Kisha e Xhamia
Feja jonë është Shqiptaria
Jetën të gjithë do ta japim
Fjalën tënde nuk e flakim
Do ta ruajmë vendin tonë
Ështe i yni përgjithmonë