Sinan Hoxha investon miliona për rikthimin me Seldin!

“Sinan Hoxha ft.Seldi Qalliu in USA”, është titulluar turi i dy këngëtarëve, të cilët po udhëtojnë drejt Amerikës pasi kanë përfunduar xhirimet e klipit të tyre më të ri. Sipas suplementit “Panorama Plus”, thuhet se Sinani ka shpenzuar dyfishin e parave për realizimin e klipit të ri seç shpenzonte për klipet e mëparshme, ndërsa është shprehur se nëse për duetet e tjera ka shpenzuar 10 mijë euro, për këtë klip ka vënë në dispozicion 20 mijë euro. Mes miq thuhet se këtë duet ia ka dedikuar rikthimit me Seldin, për të cilin nuk kursehet në para. Ata do e publikojnë videoklipin pas kthimit nga Amerika në prag të Krishtlindjeve dhe Vitit të Ri. Ata prej një viti kanë pasur një konflikt pas fejesës së përfolur të Seldit me një vajzë kosovare. Dy këngëtarët kanë pohuar se gjatë periudhës që kanë qenë të veçuar, kanë kuptur se pavarësisht ftesave të ndryshme për koncerte, publiku preferon t’i shohë bashkë.