Improvizohet skena, Ismail Qemali, ngre flamurin në Durrës!

DURRËS- Festimet për 100 vjetorin e Pavarsisë, në qytetin Durrësit kanë nisur ditën e sotme me një improvizim të ardhjes së Ismail Qemalit në qytetin bregdetar. Kjo skenë është e njohur nga filmat shqiptarë, dhe improvizimi përfshinte ardhjen e Ismail Qemalit në një varkë me vela, në port. Në pritje të ardhjes së plakut të urtë, Qemali, kishin dalë dhjetëra njerëz nga të gjitha moshat, me veshje kuq e zi, mbuluar nga flamuri kombëtar. Pas zbritjes së tij dhe pritjes ceremoniale në port, ai kaloi përmes rrugës tregtare të qytetit, shoqëruar nga shumë të pranishëm. Me pas ai është pritur nga kreu i bashkisë, për të ngritur flamurin në qendër të qytetit.

Busti i Isamil Qemalit, ngrihet në Vlorë

Gjatë një ceremonie festive në Kaninë, Vlorë është ngritur busti i Ismail Qemalit.

Busti u zbulua nga Ministri i Mbrojtjes, Arben Imami, e përfaqësues së familjes Vlora.

Me këtë rast, të ftuarve të shumtë iu dhurua edhe flamuri i Kaninës në formë mirënjohjeje nga organizatorët e këtij eventi.

Të ftuarit, në fjalët përshëndetëse, veç urimit për këtë 100-vjetor të Pavarësisë, kanë përcjellë dhe mesazhin e krenarisë për pjesëmarrjen në këtë ceremoni.

\Shekulli Online\E.Sh\