Festivali i RTSH-së më 20 dhjetor, dalin emrat, dominojnë të rinjtë!

Është ngjarja e vitit në muzikë, për faktin se jo vetëm ka kaluar një gjysmë shekull traditë, po edhe se prej kësaj gare zgjidhet këngëtari, që përfaqëson Shqipërinë në Eurovizion. Organizatorët e festivalit gjatë një konference për shtyp kanë zbuluar detajet e këtij edicioni të 51-të në RTSH, në datat 20-21-22 dhjetor 2012. Në listën zyrtare të këngëtarëve pjesëmarrës janë 26 emra të përzgjedhur nga një komision profesionist, por pas disa fazave konkurrimi bie në sy mungesa e emrave big. Do të jenë 13 këngëtarë natën e parë, 13 natën e dytë dhe 16 më të mirët mes tyre do të kalojnë në natën finale, ndërkohë që në dy listat e këngëtarëve që do të këndojnë natën e parë dhe natën e dytë, vihet re një dominancë e artistëve të rinj, ndërkohë që pritet që nga kjo garë të zgjidhet përfaqësuesi i muzikës shqiptare në Eurosong. Organizatorët kanë theksuar faktin që festivali do të jetë “live”, që nga orkestra e banda (60 veta) deri te këngëtarët, që sipas tyre, prej 10 vjetësh deputojnë “live” në këtë festival. Gjithsesi Shpëtim Saraçi, drejtor Artistik i Festivalit, u shpreh se rrymat që do të konkurrojnë në festival janë nga më të ndryshmet, nga baladat, roku etj. Juria e festivalit do të ketë 7 anëtarë, prej të cilëve 4 shqiptarë e tre të huaj, dhe prezantimi do të bëhet nga Floriana Garo e Enkel Demi.

Ja këngëtarët në garë ...

Nata e parë

Selami Kolonja
Rosela Gjylbegu,
Kejsi Tola
Vesa Luma
Elis Nova
Kozma Dushi
Bon bon Band
DR.Flori&Fabi
Merland Kademi
Rezarta Smaja
Ardian Bujupi
Xheni&Enxhi Kumrija
Arjela Krasniqi

Nata e dytë

Arjan Dredhasi
Adrian Lulgjuraj&Bledar Sejko
Hersi Matmuja
LNYX
Entela Zhula
Anjeza Shahini
Kelly
Bojken Lako
Marsela Çibukaj
Valon shehu
Ani Çuedari