Champions, reagimet pas shortit të Nyonit!

Pas shortit të 1/8 të finaleve të champions league, i hedhur në nion të zvicrës, vijnë reagimet e para. Sigurisht që jo të gjithë janë të kënaqur nga përzierja e goglave, pasi për disa ekipe shorti ka qënë i favorshëm dhe për të tjera i pamëshirshëm. Edhe këtë vit do të milani duhet të masë forcat me barcelonën. Reali i madridit ka një përballje të vështirë ndaj Manchester United, ku pritet rikthimi i Ronaldos në Old Trafford. Më i lehtë duket në letër shorti për Juventusin. Reagimet e drejtuesve janë të ndryshme, ku mbizotëron vlerësimi për kundërshtarin, pavarësisht emrit apo traditës.

Josep Maria Bartomeu

"Mendojmë që Milan është një nga skaudrat më të mira në evropë. Ata po përmirësohen dhe do të kemi një tjetër ndeshje të mirë milan-Barcelona."

Pavel nedved

"Mund të shkonte edhe më keq. Megjithatë celtic është një kundërshtar per tu respektuar, pasi janë i vetmi ekip që kanë mundur Barcelonën. E njoh ambientin në Glasgou dhe nëse nuk bëjmë kujdes do të jetë një mbrëmje shumë e vështirë.

Neil Lennon

"Juventusi është shumë i fortë, por edhe ne nuk jemi keq. Mendojmë se gjithcka është e mundur. Juventusi është i mbushur me lojtarë të mëdhenj dhe prej 18 muajsh po tregon gjëra të jashtëzakonshme. Shorti mund të ishte më bujar për ne ashtu sic mund të ishte edhe më i egër."

Sir Alex Ferguson

"Është një mundësi e madhe për tifozët tanë që të presin ronaldon dhe të përballen sërish me Mourinhon. Më duhet të porosis verë të mirë përë këtë ndeshje"

Emilio Butragueno

"Mendoj se tifozët janë të kënaqur me shortin pasi do të jetë një përballje tërheqëse dhe një eksperiencë unike për të gjithë. Manchester United nuk është vetëm një ekip i madh por një organizatë e madhe dhe një nga klubet më prestigjioze në botë."

Philip Lahm

"Është një short i mirë. Kemi një mundësi të mirë për tu kualifikuar në cerekfinale. Mund tia dalim nëse përdorim si duhet kualitetet tona. Po pres me padurim takimin me podolskin dhe mertesaker, pasi është dicka e vecantë të takohesh me shokët e kombëtares."

Leonardo

Reali i madridit ishte kundërshtari për tu evituar, edhe pse Valencia është një ekip i vështirë, me një publik të nxehtë. Shpresojmë të jemi mirë në shkurt pasi mund të ecim më tej. Fakti që erdhëm deri këtu dhe të tjerët dëshironin të na evitonin përbën një tjetër kënaqësi."

Ashtu sic u vu re në shortin e hedhur në Nion, skuadrat e para në grup kanë avantazhin se ndeshjet e kthimit do ti luajnë në shtëpi. Pas përfundimit të kësaj faze do të hidhet shorti për të përcaktuar rrugën e skuadrave deri në finale.