Masakroi gruan, në pranga në shoqërinë e dy femra

konsideruar tepër i rrezikshëm, Maksim Hodaj prej 3 vitesh gjendej në 10-shen e shqiptarëve më të kërkuar nga Interpoli, por u arrestua në Vlorë. Gjykata e Vlorës e ka dënuar në mungesë me 20 vite burg, ndërsa Policia e Shtetit ka dështuar disa herë në përpjekjen për ta vënë në pranga. Emri, fotoja dhe bëmat e tij, u kthyen në proverbialitet në Vlorë dhe rrethina, ndërkohë që i shumëkërkuari i policisë dhe i Interpolit, jo vetëm që qëndronte në Vlorë, por shijonte jetën i rrethuar me femra dhe i ruajtur nga persona të armatosur. Dje krerët e policisë dhe skuadra e posaçme operacionale në Drejtorinë e Policisë së Vlorës vepruan saktë. Blutë ndërhynë në apartamentin ku Hodaj ishte vendosur së fundmi dhe bashkë me të arrestuan mikun e tij Elvis Kocka. Janë sekuestruar dy armë pistoleta dhe janë shoqëruar edhe dy femra, të cilat ishin të pranishme në momentin e operacionit. Policia ka dyshime të forta se ato i përkasin një rrjeti të fuqishëm të prostitucionit që luhej nga Maksim Hodaj dhe grupi i tij.