Çiljeta, ‘nën përgjim’, fotot e para në publik me djalin!

Në rast se Çiljeta Xhilaga nuk do t’i kishte publikuar vetë e para fotot e të birit në profilin e saj privat në “Facebook”, me siguri as “Bluetooth” nuk do t’i kishte botuar sot këto foto paparac të shkrepura disa ditë më parë në spitalin “Hygeia”, ku këngëtarja kishte shkuar për t’i bërë kontrollet e nevojshme gjatë muajit të parë, djalit. Por duke qenë se ajo, në ndryshim nga shumë prej kolegeve të saj të skenës, e zbuloi portretin e të birit ende pa mbushur 1 muaj, edhe ne po marrim guximin për t’i publikuar këto foto të Mr.Fernandos. I vogli i këngëtares ka tipare të theksuara dhe siç thonë të afërmit e familjes, i ngjan shumë të atit Tomaso. Të dy prindërit e rinj janë shumë entuziastë për këtë fëmijë dhe po i shijojnë pa fund muajt e parë si prindër… Çiljeta, ngado shprehet se është duke jetuar momentet më të bukura të jetës së saj. Ndërkohë që, Tomaso e shoqëron ngado Çiljetën, e cila, siç shihet qartë në foto ka edhe vëmendjen e nënës së saj. Nga sa kemi mësuar, Tomaso ka asistuar në lindjen e Fernandos dhe është shumë krenar që ai (i biri) i ngjan më shumë atij. Gjatë javës së shkuar Fernando është regjistruar në gjendjen civile dhe nga burime mësohet se mban mbiemrin e të atit.

Ajo çfarë vihet re në foto është forma e mirë trupore e Çiljetës dhe nënës së saj, Majlinda. Sakaq, nëse i referohemi jetës artistike, këngëtarja pritet të publikojë së shpejti klipin e këngës në bashkëpunim me Noizy-n, të xhiruar gjatë kohës që ishte shtatzënë.