Torta "Mimozë"

Perberesit për Pan di Spanjën:

- 100 gr miell
- 6 kokrra veze
- 220 gr sheqer
- 100 gr niseshte
- 1 bustin vanilje
- pak kripe

Perberesit për kremin

- 200 ml krem shllak
- 50 gr krem ëmbëlsirash

Perberesit për kremin e pastiçerisë:

- 500 ml qumësht
- 110 gr sheqer
- 4 te verdha veze
- 30 gr miell
- 1 limon (lëkura)
- rum ose lëng portokalli për te lagur pan di Spanjën.

Përgatitja:

Fillimisht merruni me përgatitjen e pan di Spanjës, është mire ta bëni një dite përpara. Merrni një ene dhe rrihni vezët duke i hedhur pak kripe dhe sheqer, për rreth 10 minuta. Me pas shtoni miellin, niseshtenë dhe vaniljen dhe përziejini ne një mikser. lyeni me gjalpë tepsinë, me pas hidhni përbërjen dhe futeni ne furre me zjarr 170'/180' për 25/30 minuta. Ndërkohë përgatitni kremin e pastiçerisë. Hidhni qumështin ne një ene bashke me lëkurën e limonit dhe lërini te ziejnë, me pas hiqni limonin dhe lëreni qumështin te ftohet. Hidhni vezët e rrahura me sheqerin dhe me miellin, përziejini mire dhe lëreni ne zjarr te vogël dhe lëreni për pak minuta duke e përzier vazhdimisht me një luge druri duke ndjekur gjithmonë vetëm një ane, me pas lëreni qe kremi te ftohet duke e përzier here pas here. Ndërkohë bashkoni kremin shllak me kremin e ëmbëlsirave. Prisni pan di Spanjën ne formën e tre disqeve, merrni atë te mesit dhe priteni ne formën e kubave, te gjithë me dimensione te mesme. lagni bazën e tortës me rum ose me lëng portokalli, hidhni sipër kremin e ftohur, dhe me pas vini diskun tjetër. Përhapni te gjithë kremin shllak, edhe ne ane, dhe me pas hidhni sipër kubat e pan di Spanjës, lëreni ne frigorifer para se ta shërbeni. /ikub/