Studimi, të qenit kuriozë dëmton neuronet cerebrale!

E kush do ta kishte thënë se monotonia, apo rutina është një formë e shëndetit mendor! Të paktën këtë zbulon një studim i publikuar nga revista "Nature Neuroscience" dhe që është kryer nga një grup i Institutit Kalifornian të Gladstone. Praktikisht mësohet që nëse tregohemi kuriozë ndaj diçkaje, apo përgjithësisht në jetën e përditshme, ndikon negativisht mbi ADN-në tonë.

Më saktë, kurioziteti mund të thuhet se "trondit" neuronet, ndërkohë që të mos qenit kuriozë, mban më integral e të pandryshueshëm më gjatë neuronet tona cerebrale. "Të pasurit e një përvoje të re provokon shtimin e aktivitetit të qelizave nervoze, duke shkaktuar dëme në gen. Këto të fundit, megjithatë, riparohen menjëherë nga mekanizmat e mbrojtjes së brendshme të qelizës", shpjegojnë shkencëtarët, që janë marrë me këtë studim.