Zbulohen tre super-Toka të banueshme!

Në afërsi të Tokës, "vetëm" 22 vite dritë nga sistemi ynë diellor, ekzistojnë tre planete që mund të jenë të gatshme për të pritur forma jete. Janë shkëmborë si planeti ynë dhe pak të mëdhenj, aq sa quhen "SuperToka". Shtrihen në të ashtuquajturën "zonë të banueshme", ose më saktë janë në distancë ideale nga ylli i tyre, me mundësinë për të pasur ujë në gjendje të lëngët në sipërfaqe dhe ndoshta, forma jete. Zbulimi i publikuar në revistën "Astronomy & Astrophysics", vjen për meritë të një grupi kërkimi ndërkombëtar që ka përdorur teleskopët e Vëzhguesit Evropian Meridional (ESO).

"Gjetja e tre planetëve të vegjël masiv në zonën e banueshme të një ylli është një emocion i madh!", vëren Mikko Tuomi i Universitetit të Hertfordshire, që ka koordinuar këtë kërkim me Guillem Anglada-Escude' të Universitetit gjerman të Goettingenit. Ndërsa për një nga autorët e kërkimit, Rory Barnes, "numri i planetëve potencialisht të banueshëm në galaksinë tonë është më i madh, nëse presim të gjejmë shumë përreth secilit yll me masë të vogël. Në vend që të shohim dhjetë yje për të kërkuar një planet të banueshëm, tani e dimë se mund të shohim vetëm një yll për të gjetur shumë planetë". Tre super-Tokat e zbuluara janë pjesë e sistemit të gjashtë planetëve që vërtiten rreth yllit "Gliese 667C". /ikub/