Martohen, të varur në kullën më të lartë të Torontos (VIDEO)

Të thuash "po", pezull në një lartësi prej 365 metrash, nuk duhet të jetë e lehtë. Mirëpo duket se është diçka e realizuar me sukses për Lacy Boland dhe John Kirk, çifti kanadez, që është martuar praktikisht në qiell, varur në "CN Tower" të Torontos. Ata janë mashkulli dhe femra e parë në absolut që kanë zgjedhur këtë martesë "alternative", në majën e ndërtesës më të lartë të Kanadasë. Jo vetëm kaq.

Kjo ceremoni e veçantë detyroi edhe prindërit e dhëndrit e të nuses që të jenë po aq guximtarë sa të martuarit, të paktën për një ditë, pasi duhet të ishin të pranishëm në momentin solemn. Natyrisht, për të bërë këtë, sidomos nusja u desh të hiqte dorë nga fustani i bardhë, në vend të të cilit kishte veshur një tutë të së njëjtës ngjyrë. "E kishim ëndërruar gjithmonë një martesë për t'u mbajtur mend! Çfarë do të kishte qenë më eksituese sesa ta kurorëzonim kështu - ka deklaruar çifti -. Ndihemi të bekuar për këtë përvojë të mrekullueshme".