Njohjet online, cilësitë që do të sjellin sukses (Kuriozitete)

Femrat 25 vjeçe janë ato më me fat në njohjet online, pasi tërheqin edhe më shumë meshkuj pas vetes. Për femrat 33-vjeçare ky numër është një fatkeqësi, pasi ato kanë shumë pak gjasa të bëjnë për vete ndonjë mashkull në rrjetet online.

Sa për meshkujt, mosha e tyre është thjesht një numër, ato që femrat shohin te gjinia tjetër janë edukimi dhe paratë.

Sipas një studimi, një femër 25-vjeçare që është katolike, ka një qen dhe e përshkruan veten si të dobët e që pi alkool tri herë në javë, është ajo që merr numrin më të madh të mesazheve se çdo femër tjetër. Analizat tregojnë se marrëdhëniet e një femre të tillë mund të kenë zgjatur nga tre deri në tetë vjet.

Po kështu, një i krishterë beqar, me trup atletik dhe flokë ngjyrë kafe, që ka bërë publike se i pëlqejnë fëmijët, pi me raste dhe fiton në vit nga 100-150 mijë dollarë në vit, tërheq numrin më të madh të femrave online.

Një skuadër kërkuesish ekzaminuan më shumë se 1.8 milionë mesazhe të dërguara mes femrave dhe meshkujve heteroseksualë. Mes tyre përfshiheshin më shumë se 81 mijë beqarë të moshave 25 deri në 35 vjeç në Amerikë.

Kërkuesit analizuan të dhënat, pamjen e jashtme dhe gjatësinë e profileve të pjesëmarrësve në studim, për të identifikuar se çfarë i bën meshkujt dhe femrat më të dëshirueshëm në faqet e takimeve. Meshkujt e krishterë dhe të edukuar, të cilët dëshironin të kishin fëmijë, ishin ndër më të kërkuarit. Femrat që pinin alkool merrnin rreth 4.4 për qind më shumë mesazhe sesa normalja. Femrat që nuk pinin alkool merrnin 24 për qind më pak mesazhe prej atyre që donin t’i njihnin.

Sipas kërkuesve, femrat 25-26-vjeçare ishin më të kërkuarat, pasi merrnin edhe 14.4 për qind më shumë mesazhe, ndërsa femrat 33-vjeçare kërkoheshin më pak.

Femrat më të dëshiruara në faqet online të takimeve, ishin ato që fitonin në vit nga 50-75 mijë dollarë, pasi merrnin 14 për qind më shumë mesazhe sesa mesatarja.

Meshkujt që nuk preferonin ta deklaronin nëse donin apo jo fëmijë merrnin 21 për qind më pak kërkesa, ndërsa ata që nuk donin fare fëmijë ishin 42 për qind më pak të kërkuar.

Femrat që i përkisnin besimit katolik ishin 20 për qind më të dëshirueshme sesa ato të besimeve të tjera fetare. Për nga përmasat trupore, ato që e përshkruanin trupin e tyre si të dobët ishin 41 për qind më interesante në sytë e meshkujve sesa femrat e tjera.

Përdoruesit e faqeve të takimeve online, të cilët kishin nën zotërim një qen, ishin 5 për qind më të kërkuar sesa ata që nuk kishin. Për meshkujt, niveli i edukimit bën ndryshimin e vërtetë.

Ata që kishin një doktoraturë, master apo diplomë drejtësie merrnin 33 për qind më shumë ftesa nga femrat, krahasuar me meshkujt e tjerë beqarë.

Nëse një mashkull fiton në vit nga 75-150 mijë dollarë, ai ka 42 për qind më shumë mundësi të gjejë femrën ideale në këto faqe takimesh online.

Meshkujt që e kishin përshkruar veten me 1000 shkronja ose më shumë merrnin plot 59 për qind më tepër mesazhe prej femrave, krahasuar me ata që e kishin përshkruar veten me më pak se 100 shkronja, të cilët merrnin 9.75 për qind më pak mesazhe.

Diskutimet për ushtrime dhe leximin u shton profileve të përdoruesve 21 për qind më shumë interes, ndërsa bisedat për muskujt tregojnë 15 për qind më tepër interes sesa normalisht.

Femrat që përdorin fjalë si drekë, pije dhe darkë në mesazhin e parë kanë 73 për qind më shumë gjasa të marrin një përgjigje, ndërsa e kundërta ndodh për meshkujt, të cilëve u ulet mundësia e kthimit të një përgjigjeje me 35 për qind.

Foto e përshtatshme

Studimi tregon se foto më e mirë për profilet online të meshkujve në kërkim të femrave, është një foto që tregon plotësisht trupin dhe që është bërë në natyrë të hapur.

Ndërsa për femrat do të ishte mirë një foto e bërë në mjedisin e shtëpisë, pasi meshkujt e shohin këtë si më intime./ikub/