Doni që flokët tuaj të duken sikur sapo keni dalë nga salloni? Ja sesi!

Për të përftuar  një efekt të “kaçurrelave të tapetit  të kuq” trajtojini flokët e lagur me një krem zbutës me përbërje proteinike dhe thajini deri në masën 80-90%. Pastaj, me anë të një furçe, merrni seksione të vogla të flokëve dhe krijoni valëzime duke lëvizur brushën në drejtimin e ajrit të tharëses. Përfundoni duke krijuar gjarpërime të centimetrave të fundit të flokëve rreth brushës dhe pasi të ftohen flokët, spërkatini me një hairspray të lehtë.

Për flokët deri tek supet apo mjekra, është e thjeshtë sepse nuk kërkon as krehër brushë. Ideja është të përdorni dorën tuaj të lirë si të ishte një brushë. Trajtojini flokët tuaj të lagur me një shkumë për flokë me volum. Pastaj tërhiqni flokët nga balli drejt kurorës, duke mbajtur tharësen pas kokës dhe përdorni gishtat për të tërhequr flokët në drejtim  të nxjerrjes së ajrit. 

 Për arsye se flokëve kaçurrelë u mungon lagështia, pasi të dilni nga dushi aplikoni një hidratues nga mesi i gjatësisë deri tek majat. Ai do të zbusë flokët dhe produkti stilues që do do të lejojë që flokët pasi të thahen të jenë të ashpër dhe të thatë. Butësisht thithni ujin e tepërt nga flokët me anë të një peshqiri dhe më pas aplikoni një xhel të butë me bazë uji. Për kaçurrela bombastike, përfundojeni tharjen e flokëve me difuzor. Prekja e tepër me duar e flokëve të lagur do të ulë volumin e kaçurrelave dhe do të shkaktojë tharjen e tyre.

Ju mendoni se mund t’i drejtoni flokët vetëm me anë të një brushe dhe tharëses? Së pari, aplikoni një locion për drejtimin e flokëve teksa i keni të lagura, duke pasur kujdes të mos prekni rrënjët dhe thajini flokët deri në masën 80%. Imagjinoni një pikë para hundës suaj dhe duke filluar nga qafa ndajini flokët në seksione jo më të gjerë se gjerësia e furçës. Shtrijini me kujdes duke kombinuar forcën  e furçës me atë të tharëses dhe kur mbërrini në skaje dridheni pak furçën që flokët të duken më trashë.