Kosova na ndihmoi

Shefi i diplomacisë malazeze, Milan Rocen ka deklaruar të mërkurën para deputetëve të këtij vendi se pas njohjes së Kosovës është përshpejtuar integrimi i Malit të Zi në strukturat euro-atlantike. Duke u përgjigjur në pyetjen se cila ishte dobia nga njohja e Kosovës, Rocen ka thënë se, “është dëshmuar se Mali i Zi është një fuqi e përgjegjshme, e gatshëm të bashkëpunojë me të gjithë dhe kështu ka forcuar kredibilitetin e politikës së saj të jashtme”.

Rocen po ashtu ka thënë se, “koha do të dëshmojë se Qeveria malazeze kishte marrë vendim të drejtë kur e ka njohur Kosovën”, ndërsa ka shtuar se “dobitë nga ky veprim vetëm sa do të shihen”.