Eklipsi i Diellit e la Azinë në terr

Miliona vetë në mbarë Azinë kanë parë eklipsin më të gjatë diellor të shekullit.

Ai u vërejt fillimisht në Indi, pastaj në Kinë dhe rajonin e Paqësorit.

Disa vende u zhytën në errësirë për më shumë se 6 minuta e gjysmë, kur hëna mbuloi dritën e diellit.

Shumë vende të tjera kanë përjetuar eklips të pjesshëm.

Shkencëtarët thonë se do të kalojnë disa qindra vjet përpara se një eklipsi i tillë të shihet përsëri.

Eklipsi i diellit ndodh kur Hëna kalon mes Diellit dhe Tokës, duke bllokuar dritën e Diellit për një periudhë të shkurtër.

Fenomeni tërhoqi një numër të madh vëzhguesish amatorë të yjeve si edhe shkencëtarë në pjesë të Kinës dhe Indisë, megjithëse retë e dendura e prishën argëtimin.

Studiuesit shpresojnë se kohëzgjatja e eklipsit do t'i ndihmojë ata që zbulojnë më shumë për gazet që rrethojnë diellin.

Eklipsi i Diellit shkakton edhe viktimën e parë

Eklipsi më i gjatë diellor i shekullit të 21-të ka shkaktuar edhe viktimën e parë. Një grua indiane ka mbetur e shtypur nga turma, ndërsa 20 të tjerë janë plagosur në brigjet e lumit Gange.

Mes të plagosurve, pesë prej tyre janë në gjendje të rëndë. Incidenti ka ndodhur ndërsa njerëzit kishin hipur mbi shkallare të ngushtë, në përpjekje për të asistuar në spektaklin e rrallë.

Ka mjaftuar vetëm një moment paniku që njerëzit, në përpjekje për t’u larguar, kanë shtypur njëri-tjetrin.