3 maska në kushtet e shtëpisë, duke përdorur kos.

Kosi është një nga ato produkte ushqimore që gjendet thuajse në të gjithë frigoriferët, por përveçse për tu ngrënë ai mund të përdoret fare mirë edhe si maskë për flokët, lëkurën dhe duart.

Për flokë më të shëndetshëm dhe me shkëlqim, masazhojini flokët me kos të bardhë dhe mbajini ashtu për 30 minuta.

Ndërsa për një lëkurë të lëmuar dhe të pastër, në një enë përzieni tre lugë kosi me një lugë mjaltë. Aplikojeni këtë masë në fytrë dhe mbajeni për 10-15 minuta. Më tej shpëlajeni fytyrën me ujë të bollshëm të vakët.

Nëpërmjet kosit mund të keni gjithashtu duar të lëmuar dhe të shëndetshme. Në një enë përzieni tre lugë kos me pak lëng limoni dhe aplikojeni në duar, duke e mbajtur për 15 minuta. Pasi ti keni shpëlarë mirë, duart do të jenë më të buta dhe të bukura, gjithashtu edhe thonjtë do të jenë më të shëndetshëm.