10 ndryshimet mashkull-femër!

Meshkujt tentojnë drejt fakteve – femrat drejt ndjenjave dhe emocioneve gjatë komunikimit. Por, të njohësh ndryshimet dhe të kuptosh dallimet mes dy sekseve, të bën më të qartë në komunikim dhe më të suksesshëm.

1. Shkencëtarët mendojnë se diferencat ndërmjet sekseve vijnë si pasojë e roleve të tyre gjatë evolucionit.
Pra, meshkujt janë të aftë të shikojnë në largësi më të mëdha dhe të përdorin strategji në orientim, ndërsa femrat dallojnë detajet dhe objektet nga afër dhe nuk lexojnë dot hartat.
2. Meshkujt dhe femrat mendojnë në mënyra të ndryshme. Meshkujt e ruajnë informacionin të ndarë në bazë të përmbajtjes, si psh: puna më vete, hoby, gruaja, seksi e kështu me radhë. Femrat bëjnë krejt të kundërtën; e shohin gjithçka në mënyrë më të përgjithshme.
3. Meshkujt dhe femrat flasin në mënyra të ndryshme. Meshkujt flasin me shprehje të shkurtra, ndërsa femrat me paragrafë, duke dhënë shumë detaje.
Meshkujt flasin 12.500 fjalë në ditë, kurse femrat 25.500.
4. Kontakti me sy mes meshkujve dhe femrave është i ndryshëm. Femrat e mbajnë kontaktin me sy për rreth 12 sekonda gjatë komunikimit, ndërsa meshkujt vetëm 3.
5. Femrat gjatë bisedës do të përdornin edhe sinjale verbale si: Vërtet? Po tallesh ti?! Uau! E kështu me radhë. Femrat e prekin njëra-tjetrën gjatë bisedës, qëndrojnë më pranë kur ulen ose bisedojnë a veprojnë të gjitha si grup vetëm sepse njëra prej tyre e sugjeron (shkojnë shpesh si grup së bashku në tualetin e restorantit).
6. Femrat flasin me fjalë të tërthorta për të arritur atë që duan, ndërsa meshkujt nuk e kuptojnë fare këtë gjuhë, sepse ata përqendrohen te përmbajtja e mesazhit sesa te kuptimi i mesazhit të fshehur.
7. Meshkujt janë të orientuar drejt anës fizike, ndërsa femrat të orientuara drejt lidhjes. Meshkujt stimulohen nga imazhe (prandaj dhe provokohen më lehtë kur shikojnë një femër tërheqëse), femrat stimulohen nga ndjenjat, aromat, prekja dhe fjalët.
8. Meshkujt janë të shqetësuar që të sigurojnë anën financiare të familjes; femrat janë të shqetësuara që të sigurojnë e balancojnë anën emocionale dhe qetësinë në familje.
9. Meshkujt kanë nevojë të kuptojnë se femrat i respektojnë dhe admirojnë përpjekjet dhe arritjet e tyre; të jenë të interesuara në punën që ata bëjnë dhe hobe-t që kanë. Femrat kanë nevojë që meshkujt t'ua shprehin dashurinë me fjalë dhe veprime.
10. Femrat kanë veshkë, mëlçi, stomak dhe apendicit më të madh - meshkujt kanë mushkëri, prandaj dhe kapaciteti i frymëmarrjes së femrave është më i ulët se i meshkujve (meshkujt janë gjahtarët, të cilëve u duhej të vraponin gjatë).
Në përgjithësi meshkujt janë 50% më të fuqishëm se femra (40% e peshës së trupit të mashkullit është muskul, e femrave vetëm 23%).

Fleura Shkëmbi
Psikologe, Hipnoterapiste Klinike