Fakte interesante mbi trupin tonë!

Numri i kockave. Dihet që një i rritur ka më pak kocka se një fëmijë i vogël, e megjithatë ajo çfarë jo të gjithë dinë është fakti se përse ndodh kjo. Foshnjat, sipas studimeve, kanë afërsisht 350 kocka në të gjithë trupin e tyre. me kalimin e viteve, kur njeriu rritet, kockat bashkohen me njëra tjetrën dhe kështu, në moshë të rritur, një njeri ka afërsisht 150 kocka më pak, ose 205 kocka gjithsej.

Stomak “i ri”. A e dinit se thuajse një herë në tre apo katër ditë, bëhemi me “stomak të ri”? është një mënyrë të thëni për t’ju treguar se veshja e brendshme e stomakut tuaj ndryshon në këtë interval kohor, për shkak pikërisht të aciditetit që prodhon stomaku, i cili shërben për të tretur ushqimin. Nëse stomaku juaj, nuk do të “ndërrohej” një herë në tre apo katër ditë, do të ishte me pasoja të rënda për shëndetin tuaj.

Gjurmët e gjuhës. Po ashtu si gishtërinjtë dhe gjurmët e tyre, edhe gjuha dhe gjurma që ajo lë është përcaktuese për një individ. Secili prej nesh është unik në këtë pikë.

Ngjyra e flokëve. Biondet mund të kenë një mijë e një barcaleta të thëna për to, por ajo çka është e vërtetë për to është fakti se kanë shumë flokë. Ngjyra e flokëve, sipas shumë studimesh, është përcaktuese e sasisë së flokëve që mund të gjenden në kokën tuaj dhe biondet, kuptohet vetëm ato natyralet, kryesojnë listën e personave që kanë më shumë flokë. Mesatarisht, në kokën e njeriut gjenden 100 mijë folikula të flokut, ku secila prej tyre është e aftë të prodhojë 20 fije floku, përgjatë gjithë jetës së një njeriu. Sa iu përket biondeve, kjo mesatare regjistrohet në 146 mijë, kurse njerëzit me ngjyrë të errët floku, kanë rreth 100 mijë folikula. Më pak flokë, priret të kenë kokëkuqet, për të cilët numri i folikulave që prodhojnë flokë, është 86 mijë./ikub/