5 aktivitetet që bën truri ynë, kur ne flemë gjumë!

Një qenie njerëzore kalon rreth 1/3-n e jetës së tij duke fjetur. Faktikisht, gjumi është një element themelor për organizmin, ashtu si edhe ngrënia dhe marrja frymë. Në fakt, pakkush e di se gjatë gjumit, truri ynë kryen një seri aktivitetesh të rëndësishme, pa u çlodhur. Ne flemë, po truri ynë...jo.

Merr vendime

Gjatë gjumit, truri përpunon informacione të përthithura gjatë ditës dhe i organizon në mënyrë logjike. Për këtë arsye, kur duhet marrë një vendim dhe vendos të reflektosh, të nesërmen në mëngjes i ke idetë paksa më të qarta lidhur me vendimin që duhet marrë.

Fikson kujtimet

Teksa fle, truri punon për të përpunuar kujtimet dhe për të fiksuar ngjarjet, apo informacionet afatgjatë. Për këtë arsye është e rëndësishme që pas një dite studimi, të bëjmë një gjumë të mirë për të "arkivuar" në memorie atë që kemi studiuar.

Krijon lidhje

Gjendesh para një çështjeje të rëndësishme, studimi, pune, apo jete private dhe të duket sikur të ka humbur filli. Kështu, pasi kalon natën në gjumë, të nesërmen në mëngjes duket sikur të ndizet...llamba. Kjo ndodh sepse gjatë gjumit, truri është në gjendje të përpunojë informacionet, duke krijuar lidhje dhe hipoteza që, më parë s'të kishin ardhur në mendje.

Ç’toksikohet

Teksa flemë, truri përfiton për t'u pastruar, duke hequr të gjithë molekulat e dëmshme që janë në bazën e proceseve neuro-degjenerues. Prandaj, kush fle pak apo keq, mund të jetë subjekt i zhvillimit të sëmundjeve neuro-degjeneruese, si Parkinsoni apo Alzheimer.

Mëson

Teksa flemë, truri nuk punon vetëm me kujtimet, por edhe mbi sistemin 'motorik'. Për shembull, praktika e autoshkollës, pas një nate gjumi, do të jetë më e thjesht dhe efikase, përderisa truri ka përvetësuar lëvizjet që duhen kryer. Ndoshta, edhe ato që s'ti ka mësuar ende instruktori.