E pushtetshmja!

Vuthaj: Mashkulli shqiptar u frikësohet bukurosheve...

Njëra prej bukurosheve kosovare, e cila i ka rezistuar më së shumti kohës dhe për disa vite ka mbajtur epitetin e misit, Agnesa Vuthaj, në një intervistë shpalos mendimet e saj për mashkullin shqiptar, paraqitjet e saj të para në skenë dhe fillet e karrierës së saj politike...

Çfarë keni menduar kur keni dalë për herë të parë në skenë?

Agnesa: Fillimet e mia në skenë kanë qenë para gjashtë viteve...Nëse kujtoj daljen time të parë në skenë, e gjitha çka kam menduar ka qenë – se si të paraqitem saktësisht siç ka qenë e paraparë nga drejtuesit e spektaklit. Të shkoj siç ka qenë e paraparë gjatë përgatitjeve. Po ashtu kam menduar për vlerësimin e publikut pas duartrokitjeve, për vlerësimin e jurisë nëse do të jetë i njëjtë me atë të publikut. Shumë mendime të përziera më janë sjellë nëpër kokë në ato momente...

Kur jeni paraqitur për herë të parë në skenë?

Agnesa: Paraqitja ime e parë ka qenë për Miss Peja dhe unë u kurorëzova Miss Peja dhe sigurish që kam marrë vetëm vlerësime pozitive.

Çfarë ju kanë thënë të tjerët për paraqitjen tuaj?

Agnesa: Janë çuditur shumë më fitoren time, duke u nisur nga fakti që unë nuk kam qenë nga Peja dhe në atë kohë ka qenë më shumë e shfaqur ajo ndjenja që Miss Peja duhet të fitonin vetëm vajzat nga Peja.

Mendoni se ka paragjykime për vashat e katundit në Pejë?

Agnesa: Derisa unë kam fituar Miss Peja dhe kam qenë shumë e përkrahur dhe e adhuruar nga publiku pejan, dhe vazhdoj se gëzoj një respekt dhe përkrahje shume të madhe nga ajo anë, nuk mendoj se vazhdojnë të ekzistojnë paragjykime, të paktën në rastin tim nuk ka pasur dhe nuk vazhdon të ketë...

A je skuqur kur keni dalë për herë të parë me bikini në skenë?

Agnesa: S’di nëse jam skuqur, por sigurisht që ka qenë e sikletshme...

Në cilat bikini ndihesh me komfore dhe në çfarë ngjyre?

Agnesa: Ndjehem mirë në të gjitha bikinët që kam... S’ka shumë rëndësi ngjyra me komforin. Mjafton të me pëlqejnë dhe unë jam në rregull, pastaj..

Zakonisht në Pejë thonë se ka vajza të bukura! Po djemtë e Pejës a ju pëlqejnë?

Agnesa: Derisa thuhet që natyra e mahnitshme e asaj ane ndikon që vajzat të bëhen të bukura, sigurisht që do ndikonte njësoj edhe për gjininë mashkullore.

A e shikoni veten të martuar në Pejë?

Agnesa: Unë nuk e shikoj veten të martuar në një qytet të caktuar, qoftë Pejë apo ndonjë qytet tjetër. Unë kam udhëtuar shumë, kam parë shumë vende, kam takuar shumë njerëz...Për mua krijimi i një lidhjeje martesore mund të jetë kudo! Mjafton të jetë personi i duhur dhe gjerat e tjera do rrjedhin pastaj...

Ka zëra që thonë se Agnesa e ka të vështirë të dashurohet. A ke qenë ndonjëherë e dashuruar?

Agnesa: Unë jam rritur në një familje me plot dashuri dhe të dashurosh nuk mendoj që është ndonjë vështirësi, por them që është një vlerë shumë e madhe të dish të duash...

Kur një mashkull ju thotë që jeni seksi, e merrni si kompliment apo nevrikoseni dhe si reagoni?

Agnesa: Nuk me kujtohet ndonjë moment i tillë.... por do ta merrja si kompliment, që në të njëjtën kohë edhe do më nevrikoste paksa, sepse megjithëse marr shumë komplimente, akoma nuk kam mësuar dhe vazhdoj të ndjehem pak në siklet kur komplimentohem drejtpërdrejt nga dikush...

Çka mendon për mashkullin shqiptar? A di ai t'i ofrohet një bukurosheje sikurse je ti? A janë të guximshëm?

Agnesa: Derisa një mashkull është i formuar si personalitet dhe di ta vlerësojë një miss, atëherë besoj që do të dinte ta gjente edhe mënyrën e duhur, por kam vërejtur që megjithatë meshkujt në një mënyrë frikësohen para një miss-i.

Kanë paragjykime apo çka?

Agnesa: S’do të thosha paragjykim, por më shumë frikë nga një femër e pushtetshme... Njerëzit nganjëherë janë të prirë të shkojnë drejt gjerave më të lehta në jetë, edhe sigurisht që ta kesh të dashur një miss është shumë më e vështirë sesa të jesh me një vajzë tjetër që mund të jetë shumë e bukur, por nuk e mban atë epitet.

Cili është profesioni tjetër i Agnesës, përpos menaxhimit të festivaleve?

Agnesa: Gjatë kohës se studimeve dhe pas përfundimit të tyre (shkenca politike dhe komunikim masiv e gazetari), kam punuar edhe në fushën e politikës ku jam angazhuar si këshilltare për media dhe për ngritje të kapaciteteve administrative në Mitrovicë... por tashme vazhdoj të merrem vetëm me punë artistike, mode, spektakël, moderim, film..., etj....

Ç'farë bën në kohën e lirë?

Agnesa: Kohën e lirë e kaloj duke lexuar, shikoj TV, internet, udhëtoj, takoj miq. Ndërkaq, fundjavat zakonisht i kaloj në familje, pa marrë parasysh sa jam e angazhuar preferoj që në fundjavë të jem me ta...