Orinda Huta: “Grace është ilaç për mua”

“E thjeshte në shumë aspekte, por e suksesshme në karierë. Zëri saj i ëmbël trokiti në veshin e publikut sikur të këndonte një kanarinë. Orinda Huta, tashmë është në përfundim të albumit të parë. Për planet në të ardhmen, pjesmarjen tek “Kënga Magjike”, jetën e saj mes Shqipërisë dhe Irlandës flet Orinda Huta



Që në paraqitjet e para je shquar si një vajzë me karakter të butë, je vërtetë edhe në jetën e përditshme kështu?

Jo nuk është e vërtetë. Jam shumë e fortë në karakter. Është një nga gjërat që e mbroj me mish e me shpirt. Askush nuk mund të më cënoj në karakterin tim. Ajo që më shoqëron gjithnjë është butësia në të sjellur. Kam një sjellje të butë me gjithkënd.

Me ardhjen e Orindës në skenë filloi të ndryshojë muzika, një zë i ëmbël tashmë kënaq veshin e publikut, pritesh mirë atje ku këndon?

Është kompliment shumë i bukur, ju falendëroj. Gjithnjë më ka ndodhur të pritem mirë dhe shpesh herë jam emocionuar nga ngrohtësia e publikut edhe jashtë një skene të madhe. Faleminderit Zotit kemi një publik artdashës

Kur je para kamerave çka të mundon më shumë, si dukesh apo si flet?

Më mundon fakti se si duhet të flas para një publiku që më ndjek. Më ka ndodhur që të emocionohem para publikut dhe mërzitem kur ndonjëherë nuk arrij të artikuloj atë që kam për të thënë. Gjithësesi kjo gjë nuk ndodh shpesh tashmë por, është një nga detajet që duhet punuar.

Kohë pas kohe bën pauza në karierë, është shkak shkollimi apo..?

Jo, më janë dukur të nevojshme pauzat dhe ndaj i kam bërë. Muzikën dhe shkollën kam arritur ti alternoj më së miri. Jam munduar tu jap rëndësi materialeve të mira. Gjithnjë kam dëshiruar që në publik të sjell materiale të mira që të pëlqehem dhe them se deri tani ia kam arritur.

Deri ku ke mbëritur me studimet?

Shumë afër fundit të shkollimit bazë por sigurisht që nuk kam ndërmend ta lë me kaq.

Më herët ishe më aktive nëpër festivale, kohës fundit jo edhe aq shumë, arsyeja?

I vetmi festival ku kam marrë pjesë ka qenë “Kënga magjike” dhe aty rikthehem këtë vit pas 2 vite mungesë. Unë e dua shumë këtë festival se aty kam dalë për herë të parë dhe natyrshëm jam lidhur fortë. Ka qenë mundësia më e mirë e lancimit dhe publiku më asocion me këtë event. Kur mungoj aty edhe sikur të bëj klipe, mendojne se unë i rikthehem pauzave.

Çfarë të lidh me Irlandën? Duke pasur parasysh shkrime të shumta që bëhen për jetën tënde dhe udhëtimet e shpeshta në këtë shtet?

Ah Irlanda.. gjysma ime është atje. Më lidh motra dhe mbesa ime, pika ime më e dobët Grace. Kur kam nevojë për qetësi nga angazhimet, mjafton ti hipi avionit dhe të jem pranë saj dhe gjithçka vazhon të jetë e bukur. Njerëzit e mi më të afërt e dinë këtë. Grace është si ilaç për mua. Më mungon shumë kur jam larg dhe shumë shpejt do nisem sërish drejt Irlandës për të vetmen arsye të rëndësishme, asgjë më tepër.

Për publikun akoma vazhdon të kesh një “baby face”. A thua Orinda nuk ritet :D ?

Jam rritur në shumë aspekte, por fytyra më mbetet njëlloj, nuk kam ç’ti bëj. Unë e konsideroj si një bekim nga Zoti, gjithësesi.

Sa këngë ke publikuar deri më tani?

13 këngë janë deri më tani por tashmë jam duke u marr me disa këngë të reja për përfundimin e albumit që do të dalë shumë shpejt.



Po te “Kënga Magjike” do paraqitesh?

Sigurisht. Madje konkurimin tim për fazën e parë e kam patur. Prezantohem me këngën “Oqean”. Tashmë presim rezultatet për fazën e gjysëmfinales.

Akoma nuk ke një album tëndin? A thua është koha e realizimit të tij?

Akoma, por shumë shpejt do e sjell për publikun. Jam në fund të realizimit të tij. Nuk kam qenë shumë e dhënë për album. Më është dashur ngulmi i kompozitorit të këngëve të mija të fundit që ta bëj albumin.

Ke pasur disa bashkpunime, mendon se më mirë është të bësh karierë solo apo në bashkpunim me të tjerët?

Janë dy gjëra të ndryshme. Mua më kanë rezultuar të sukseshme bashkepunimet por edhe këngët solo. Unë do të vazhdoj të këndoj solo por këtë vit që vjen do të kem bashkëpunime sërish.

Është shkruar se ke kaluar pushime të paharuara në Turqi dhe Kroaci, si kalove në këto udhëtime?

Po, ia kam kaluar shumë bukur vertet. Në Kroaci isha në koncertin e U2 . I dua shumë si grup ndaj nuk mund ta humbisja shansin për ti parë nga afër. Në Turqi ishin thjeshtë pushime qetësie që më rikthyen energjite.

Përveç pushimeve, ke kënduar diku gjatë stinës së verës?

Po, por jo çdo ditë. Grace, mbesa ime erdhi në Shqipëri dhe mua nuk më interesonte asgjë. Para saj i harroj të gjitha…

Ndonjë plan konkret dhe surprizat për fansat në muajt në vazhdim?

Po pres rezultatet e “Këngës magjike” dhe pas saj do përfundoj albumin për të ardhur me një material të ri të shoqëruar me videoklip




Në gjërat e Orindës:


Çfarë telefoni mban?

ashmë kam “samsung” veç se i ndërroj shpesh

Çfarë çante?

Varet , jo medoemos një firme. Më pëlqen edhe ti krijoj vetë, e kam materialin dhe personin që mund ti punojë. Është babai im, i cilësuar si mjeshtër në këtë punë.

Çfarë parfumi përdor?

Oh janë shumë, të preferuar ndër 12 që kam janë “miss, dior, chery, dhe jean paul gultier classic”.

Marka e syzeve?

“Rey ban dhe Dolce Gabanna”

Libri i preferuar në bibliotekë?

“Gjuetari balonave”

Adresa e preferuar në msn?

”Aaa nuk e them këtë” (qesh)

Aksesori i preferuar?

Ora dhe sigurisht “Romanson”

Veshja e preferuar?

Çdo veshje e “little big” më bën të ndjehem komode dhe e veçantë.

Do kisha dashur të kem famën e?

Jam e lumtur me atë çfarë Zoti më ka dhënë.

Gjithashtu do isha shumë e lumtur sikur të kisha karierë si?

E vlerësoj dhe e dua shumë si këngëtare “Beyoncen”

Me shumë qejf do kisha kënduar këngët e?

Beyonces, por të albumin fundit. Kam shumë këngë të preferuara nga ai album.

Nuk do isha zhveshur si?

Nuk di si të them por do refuzoja “nudon” e mirëfilltë.