Ëndrra që e kisha gjithmonë u bë realitet!

Edhe pse akoma nuk ka mbushur pesëmbëdhjetë vjet gjilanasja Liridona Milazimi, ka nisur mbarë karrierën e saj. Ajo është shpallur bukuroshja e Gjilanit për vitin 2010, kurorë të cilin do ta mbajë me më shumë ëndje në kokën e saj. Liridona, pas marrjes së epitetit të misit të Gjilanit, ka marr edhe shumë dhurata me vlerë nga sponësorët e spektaklit, si mobilie, komplete ari, regjistrimi i lejes e dhurata tjera modeste. Po ashtu edhe në vitin e kaluar ajo kishte fituar titullin e Miss Sharmit në të njëjtin spektakël. Ka lindur me 15 mars të vitit 1995 në Gjilan ku edhe jeton me mamin e cila po e orienton në ecjet të suksesshme dhe vllaun e saj më të vogël. Liridona, thotë se ëndrra e saj është realizuar, duke vazhduar që të marr pjesë edhe në spektakle tjera bukurie jo vetëm në Kosovë por edhe më gjerë.

Dihet se këto ditë e javë kishte aktivitetet të shumta saqë as gjumë nuk ka mundur të bëjë si duhet për shkak emocioneve dhe punës. Ajo në një intervistë ekskluzive rrëfen për pjesëmarrjen në spektaklet e bukurisë Miss Gjilani 2010 dhe 2009 dhe rreth synimeve për të ardhmes së saj edhe më të mirë. Ajo tashmë karrierën e saj e ka të sigurtë!

Keni fituar kurorën Miss Gjilani 2010 çfarë do të thotë kjo për ju?

Liridona Milazimi: Po kam marr pjesë në spektaklin e bukurisë Miss Gjilani 2010, ku edhe kam fituar kurorën e më të bukurës së Gjilanit për sivjet. Kjo për mua do të thotë një ëndërr e realizuar dhe më nxit edhe më shumë të vazhdoi karrierën time.

A keni shpresuar se do ta fitoni një epitet të tillë?

Liridona Milazimi: Jo nuk e kam menduar se do të marr kurorën e Miss Gjilanit 2010, sepse kishte edhe vajza tjera të bukura. E falënderoi jurinë edhe publikun që më mundësuan ta realizoj ëndrrën time që e kam ëndërruar gjithmonë

Kush ju shtyri që të konkurroni në spektaklin e bukurisë Miss Gjilani 2010?

Liridona Milazimi:Ajo që më ka shtyer më së shumti të marrë pjesë në spektaklin e bukurisë Miss Gjilani 2010 ishte mami im, e të cilën e dua dhe falënderoi shumë për atë që po bënë për mua.

Edhe pse e re në moshë, keni marrë pjesë edhe na spektakle tjera, a munden të përmendi ndonjërin prej tyre?

Liridona Milazimi: Kam marrë pjesë edhe në manifestime të tjera dhe këtu po përmendi njërin nga më kryesorët që kamë marr pjesë edhe në Miss Gjilani 2009, ku edhe kam marr çmimin Miss Sharmi. Po ashtu kam marr pjesë edhe në spektakle e manifestime tjera.


Cilat janë synimet tua për të ardhmen?

Liridona Milazimi: Unë momentalisht jam duke vazhduar shkollën dhe pas marrjes së këtij epiteti të më të bukurës së Gjilanit, po ashtu edhe të çmimit tjetër të një viti më parë shpresoj të kem një të ardhme edhe më të mirë. Do të vazhdoi shkollimin dhe njëkohësisht do të merrem edhe me ngritjen e karrierës time profesionale, duke shpresuar se sukseset nuk do të mungojnë edhe në të ardhmen.