Berisha në Kuvend: Përmbytjet erdhën nga fenomenet e rralla

Kryeministri Sali Berisha ka deklaruar nga foltorja e Kuvendit se
përmbytjet erdhën si pasojë e motit të keq, pasi në fund të dhjetorit e
fillim të janarit vendi u përfshi nga fenomene të rralla e të
pazakonta.


"Ditët e fundit të dhjetorit dhe java e parë e janarit u karakterizuan
nga fenomene natyrore të rralla, të rënda dhe të pazakonta, në njërën
anë, rreshjet e mëdha të cilat përfshinë të gjithë verilndjen e
Shqipërisë, nga ana tjetër një rritje, një dalje e paparë e detit dhe
vërshimi i tij në zonat bregdetare të Kurbinit dhe Shkodres shoqëruar
këto të gjitha me një rrymë afrikane ajri që ngriti temperaturat në
Shqipërinë e mesme në 24 gradë, e bëri që lumenjtë të vërshonin me
tërbim drejt liqenit, drejt Shkodres dhe rrethinave të saj në një hark
kohor të shkurter"- iu drejtua Berisha deputetëve në fjalën e tij.



Sipas tij, përmbytjet ishin kolosale, por mbi to dominoi kurajo e
qytetarëve të Shkodrës e Nënshkodrës, të cilët e trajtuan problemin me
një trimëri të jashtëzakonshme.

Me tej, kreu i qeverise shtoi se perpjekjet e bera per menaxhimin e
situates kane qene maksimale, nderkohe qe gjithë akuzat që bëhen për
menaxhimin e situatës janë amorale e të ulëta.


"Gjithë ky operacion bëri të mundur të vinim sot pa jetë të humbura, me
dëmin më minimal në gjënë e gjallë, me program të qartë për trajtimin e
problemeve të mëdha që nxorri kjo fartkqetësi natyrore"- tha ai, duke
pohuar per te disaten here se permbytje te tilla ndodhin nje here ne
100 vjet.



Në sallë mungon opozita, e cila e ka lajmëruar që më parë bojkotin në seancë, duke e quajtur atë shumë të vonuar.