Modelja shqiptare 20-vjeçare, super e pasur dhe e famshme edhe në SHBA

Vrapon 7 km që në 6 të mëngjesit, pastaj shkon në studion muzikore ku përgatit këngë të reja në gjuhën angleze për albumin e ri dhe të parin, që titullohet “Dashuri e parë” (Frist LOVE). Tekstet i shkruan vetë, melodinë e bën Charli dhe Ray Key, por profesioni i parë i saj është ai i modeles. Së fundi ka hapur agjencinë e modës “Arita model’s”. Ajo është zgjedhur Miss Skandinavia 2008, por është shqiptare. Në intervistë ajo tregon se ndjehet krenare për origjinën e saj si dhe e ka shijuar shumë eksperiencën si pjesmarrëse në “Miss Shqipëri 2008”.

Na fol për prejardhjen tënde Arita?

Unë jam vajzë shqiptare e lindur dhe e rritur në Norvegji, prindërit e mi kanë prejardhje nga Gostivari (Maqedoni).

Pasi ke në kokë kurorën e “Miss Scandinavia” me siguri je shumë e kënaqur me këtë gjë, do vazhdoni të merrni pjesë nëpër evenimente të tjera të bukurisë?

“Miss Scandinavia Internacional” ku unë përfaqësoja Norvegjinë, por u mbajt në Suedi, më bëri të ndjehem shumë krenare pasi fitova kurorën e “Miss Scandinavia Internacional 2008”.Ndihem shumë krenare me këtë çmim që mora në maj të 2008-ës. Në janar 2008 u zgjodha “Top model of the year” dhe “Face of the year” në Oslo të Norvegjisë, pastaj kam qenë dhe “Miss shqiptarja” në Skandinavi në vitin 2007. Gjithashtu kam fituar edhe çmimin “Miss teen Norway” në dhjetor 2007 e do vazhdoj të marr pjesë në evenimente të bukurisë, dhe më fal harrova të përmend çmimin që mora në “Miss Shqipëria 2008”, ku u zgjodha “Miss kinemaja”.

Kush ju ndihmon rreth përgatitjes dhe hapjes së agjencisë së modës?

Në hapjen e agjencisë më ndihmon stilisti im Marko Shminker, është fotografi Marion Leonardi, menaxheri im Charls dhe mbështetja e gjithë familjes time.

Përveç modelizimit dhe kurorave të shumta në kokën tënde, ju keni filluar të merreni edhe me muzikë, nga ju lindi kjo ide? Keni dikë të familjes që merret me muzikë apo vetëm pasion?

E falënderoj shumë përkrahjen e familjes time dhe i falenderoj që më kanë bërë kjo që jam sot. Falenderoj dhe fansat e mi që do ua bëj ëndrrën realitet, ëndrra e hapjes së agjencisë ka qenë e gjatë. Unë me muzikë jam marrë gjithë jetën, muzika është pasioni im si moda po ashtu muzika e aktrimi është një pasion, unë gjithashtu shkruaj tekste vetë dhe kështu besoj duhet të jem një artiste e vërtetë, dhe e kompletuar. Në moshën 13-vjeçare kam fituar në “Summer Voice”, e siç thashë arti, moda, muzika është pjesë e jetës time.

Pasi ke filluar të hysh në botën e muzikës, atëherë kë do veçoje si star i vërtetë shqiptar?

Në muzikë Alban Skënderajn, kurse në aktrim Blerim Destanin.

Si kalon një 24 orësh i Aritës?

Me shumë punë, me fitnes dy herë në ditë nga dy orë dhe plus vrapimi në 6 të mëngjesit. Pastaj kam studimet e psikologjisë që kam filluar, me shumë punë për hapjen e agjencisë dhe me shumë punë për albumin që dua ta mbaroj në fillim të shkurtit. Arita 24 orët i kalon me familjen dhe me miqtë më të afërt dhe personin më të afërt të zemrës time, që e dua shumë.

Ju pëlqen të flasin për ju?

Në çfarë aspekti, nuk e kuptova?

Mendova ju pëlqen të merren njerëzit me ju, me jetën tuaj? A ju pengojnë thashethemet?

Unë mendoj se nëse s’kanë tjetër punë, le të vazhdojnë, se unë s’kam kohë të merrem me thashetheme, por më pengojnë gjërat që s’janë të vërteta, por ato që janë të vërteta ua them vetë dhe s’ka nevojë për thashetheme. Unë nëse kam të dashur ajo është jeta ime private. Por koha do tregojë vetë dhe tani për tani jam në lidhje serioze dhe të papërshkrueshme me të dashurin tim, që është njeri publik gjithashtu.

Ju mungon vendlindja e prindërve, e vizitoni shpesh?

Unë siç thashë jam lindur dhe rritur në Norvegji, vendlindja e prindërve më tërheq shumë dhe vij për çdo vit, por më pëlqen shumë.

Mbasi je gjithmonë nëpër udhëtime, ku pëlqen të kalosh pushimet?

Plazhi është ai ku gjej qetësinë dhe pushoj gjithmonë, më pëlqen të kaloj në vendlindje të prindërve, në Mal të Zi, St. Tropez, në bregdetin shqiptar etj.

E qetë apo nervoze?

Jam shumë e qetë, mundet të jem nervoze, por shumë rrallë.

Ju pëlqen jeta e natës?

Unë jam shumë e qetë dhe jeta e natës s’më duket aq interesante, sepse kohën time më shumë dua t’ia dedikoj familjes dhe të dashurit. Jeta e natës është interesante ndonjëherë, por jo çdo herë, preferoj më shumë të dal në ndonjë restorant ose në kinema, ose të mblidhemi me shoqet në shtëpi të përgatisim ndonjë gjë dhe të kemi ‘girls nigth’.

Çfarë parfumi preferoni të përdorni?

Kam 3 të preferuara, asnjëherë s’e mbaj të njëjtin, si Obsession Kalvin Klein, Christian Dior Hypnotic Poisen, Guccie dhe shumë të tjerë.

E për trupin çfarë të pëlqen më shumë?

S’përdor shumë make up, përdor ID Make up only minerals, duket natyrale dhe e përdorin të gjitha modelet gjithkund në botë, maskara Christian Dior black out ëater proof. Për trupin përdor Christian Dior hypnotik body lotion dhe shampot janë të ndryshëm, Calvin Klein, Christian Dior, Chanel.

Ju duket e rëndë dega që keni zgjedhur, psikologjia?

Jo aspak, sepse është një gjë që më intereson shumë, pse mendoj si mendoj e pse veproj si veproj. Nuk është e vështirë se në mësimet e mia të farmacisë kemi pasur dhe një lëndë të vogël psikologjie dhe s’më duket e vështirë.

Diçka në fund, çfarë do shtoni? Ju ka mbetur diçka pa thënë?

Jo, veçse jam femra më e lumtur në botë.