Dashuria është një gjë e mirë, pa të cilën nuk bënë hiç !

Intervistë me këngëtarin Shkëlqim Kosova Selmani

Edhe pse të gjithë e njohin si Shkëlqim Kosova, në fakt ai e ka mbiemrin e vërtet Selmani, por mbiemri me të cilin e njohin adhuruesit i ka mbetur nga këta të fundit gjatë thashethemeve. Ai edhe këto ditë të ftohta dimri nuk ndalet së kënduari. Nga muzika ka fituar shumë dhe po ashtu shpreson se këtë avaz të përfitimit ta vazhdoj. Ai thotë se nga muzika dhe politika më së shumti përfitohet paraja. Ky këngëtar e ka edhe një karakteristikë tjetër të veçantë, sepse lexon shumë libra fetar, që sipas tij ka shumë gjëra shumë interesante që e drejtojnë jetën e njeriut dhe të cilat japin këshilla të mirë dhe na bëjnë jetën të lumtur.

Pse adhuruesit ju njohin me mbiemrin Kosova dhe cili është mbiemri juaj i vërtetë?

Shkëlqim Kosova: Të gjithë është e vërtet që më njohin me mbiemrin Kosova dhe kjo ka mbet që kur kam nisur me kënduar, ku njerëzit thoshin jo është nga ky vend është nga ai vend. Kjo ka qenë arsye që më ka mbet ky mbiemër, përndryshe mbiemri im i vërtet është Selmani.

Cila është e veçanta e kësaj dite?

Shkëlqim Kosova:E veçanta e kësaj të marte është pak sa më e madhe, vet fjala e marte tregon se dita duhet të shkoj mbarë. Tjetër e veçantë është se është pak më nxeht se ditët tjera dhe vetëm bora po mungon.

Ku e kaluat natën e ndërrimit të motmoteve?

Shkëlqim Kosova:Vitin e ri a kem pritur në qendër të qytetit të Gjilanit duke kënduar në një koncert të organizuar me rastin e ndërrimit të viteve. Ndërsa ditën e parë të këtij viti, me një janar kam qenë duke kënduar në Hotel Jehona në Dardanë.

Çfarë prisni nga viti që sapo kemi hyrë?

Shkëlqim Kosova:Edhe sivjet do të mundohemi me punuar edhe më shumë se në vitin e kaluar, i cili ka qenë një vit i suksesshëm, ku kam bërë disa këngë të reja dhe vido klipe të reja. Besojmë që edhe ky vit do të jetë edhe më i mirë se ai i kaluari. Gjithmonë mbet diçka pa u realizuar nga ato që synon, por punët kryesore i kam kryer. Vitin e kaluar në Prishtinë në festivalin ”Çelësi muzikor” organizuar nga Zico Tv, kam fituar çmimin më të mirë atë të publikut.

Keni disa këngë, albume e video-klipe, tregona më shumë?

Shkëlqim Kosova:Kam shumë këngë që kam bërë, po ashtu kam edituar dy albume, por më tepër kemi bërë singla, potpuri e kolazhe.

Para vetës keni edhe sfida të shumta ku mund të ju shohin adhuruesit dhe me çfarë këngësh?

Shkëlqim Kosova:Kam shumë plane dhe shpresoj se ka vera do të editoj edhe një album të ri, një potpuri dhe po ashtu një video-klipë. Pse po e zgjedh që këngët ti editoj verës, arsyeja është sepse vera i ka virtytet e veta.

Edhe sivjet sikur vitet paraprake keni rezervuar me kënduar në dasma?

Shkëlqim Kosova:Po stinën e verës e kam të ngjeshur shumë, ku do të jem në shumë dasma e ahengje tjera familjare e mbrëmje rinore, por nuk do të lë anash as pushimet.

A keni përfituar shumë nga muzika që bëni?

Shkëlqim Kosova:Mendoj që nga muzika kam fituar shumë dhe po ashtu këtë avaz të fitimit do ta vazhdoj. Nga muzika dhe politika më së shumti përfitohet paraja.

Me cilat aktivitete merreni tjetër, pos këndimit?

Shkëlqim Kosova:Përveç muzikës merrem edhe me sport dhe duke lexuar libra e literaturë të ndryshme, e sidomos fetare, edhe pse nuk po kam shumë kohë, sepse nën stop po jam duke kënduar. Nga gjumi në këndim dhe anasjelltas. Nuk po kam shumë kohë mu marr edhe me aktivitete tjera.

Jeni në lidhje dashurie me një vajzë, por asnjëherë spo e tregon kush është ajo?

Shkëlqim Kosova:Hahaha i martuar jo, por i dashuruar po, por nuk po tregoj kush është ajo vajzë do e mbajë fshehtë.

Çfarë është dashuria për ju?

Shkëlqim Kosova:Dashuria është një gjë e mirë dhe pa të cilën nuk bënë hiq.

Na tregoni diçka rreth bashkëpunimit me grupet tjera?

Shkëlqim Kosova:Kemi bashkëpunime të ndryshme, por e kam orkestrën time Gjilani, me të cilët i bëjmë thuajse të gjitha këngët, por pa lënë anash bashkëpunimin mr kolegët tjerë.

Pse u përcaktuat të merreni me muzikë?

Shkëlqim Kosova:E kemi edhe si traditë familjare muzikën dhe që nga fëmijëria jam rritur në frymën e muzikës të cilën e kam dashur gjithmonë.

Lexoni edhe literaturë islame kjo do të thotë se besoni në Zot?

Shkëlqim Kosova: Po është e vërtet se lexoj shumë libra fetare, sepse ka shumë gjëra shumë interesante që e drejtojnë jetën e njeriut dhe të cilat libra japin këshilla të mirë dhe na bëjnë jetën të lumtur. Besoj shumë në Zot.

Do të thoni diçka për fund?

Shkëlqim Kosova:Falënderoj stafin e gazetës kombëtare “Bota sot”, duke iu dëshiruar punë të mbarë dhe suksese të mëdha. Një falënderim tjetër shkon edhe për lexuesit e juaj dhe fansat e mi anekënd botës.