Ledina “në udhëkryq” mes Tiranës dhe Lodrës!

Flet Ledina Çelo

Është gjithmonë ne udhëtim. Por ndalesat me te gjata i ka ne Tirane, tek prindërit e saj dhe ne Londër. Ku tani jeton vetëm ne një shtëpi qe i kushton jo pak. Sepse i ka vene vetes disa qëllime të mëdha. Ledina Çelo zbulon gjithsesi sekretet e jetës se saj angleze

Valixhja e udhëtimit- që ne fakt është gjithmonë gjysme e gatshme- ne me të shumtën e rasteve përgatitet fshehurazi prindërve. Ajo kërkon t’u shmanget syve të tyre, gati ne të qare, kur kuptojnë se vajza po ikën përsëri. Aq sa ndonjëherë i ve çelësin derës- pasi i ka puthur ne faqe, si zakonisht- dhe ikën pa u thënë asgjë. Derisa mbërrin ne Londër e ua thotë përmes telefonit se nuk është me në Tiranë. Është kjo mënyra me sportive qe Ledina Celo ka gjetur për të mos përjetuar atë momentin e vështire të ndarjes, që ne këto kohë është përsëritur shpesh e më shpesh. E qe megjithatë, nuk është mësuar ende ta kapërdije lehte. Sidomos tani qe po jeton ne Londër.

Ke kaq vite qe vetëm këtë gjë bën, ikën, zhdukesh për kohe të tera nga Tirana. Kthehesh, ikën prape…?

Nuk është problemi tek unë. Meraku im janë prindërit qe nuk do të doja t’i lija vetëm. Me pikon ne shpirt kur me afron ora e udhëtimit, ndaj kam filluar te mos u tregoj me se sa gjate do të qëndroje. U them se do të kthehem shume shpejt.

Ne fakt mund të ndodhe qe të qëndrosh për shumë kohë jashtë…?

Përpiqem shume qe të mos rri shume gjate larg tyre, por me gjithë përpjekjen time me ka ndodhur jo pak here te rri dhe me muaj të tere. Sidomos ne kohet kur isha ne France, ne vitet 2002- 2003. Megjithatë, atëherë meraku i prindërve për mua ishte shumë me i vogël sesa tani qe jam ne Londër.

Pse?

Sepse në Franca unë isha me vëllain tim, kështu qe prindërit ndjeheshin të qetë se e kisha një njeri timin afër.

Ndërsa tani ne Londër jeni krejt vetëm, apo jo?

Po.

Si është shtëpia ku jeton ne Londër? A mund të na e përshkruash?

Jetoj ne katin e dyte të një vile dykatëshe, që gjendet ne Clapham Comon, ne jug te Londrës. Nuk e kam bërë unë akredimin e kësaj shtëpie, sepse gjithçka ishte gati kur e gjeta. Nuk hezitova ta marr me qira këtë apartament, sepse ndjeva qe ne fillim se do te ndjehesha shume mire brenda saj. Kam një dhome te madhe qe me pëlqen shume, ndoshta sepse të krijon përshtypjen sikur jene një shtëpi kukulle. Shtëpia ka shume ndriçim dhe një oborr të mrekullueshëm me lule, ku unë shpesh rri me ore të tera.

Duhet t’ju këtë marre jo pak para qiraja për një shtëpi te tille, apo jo?

Londra dihet qe është e shtrenjte. Por unë kam akumuluar ne gjithë këto kohe aq të ardhura sa të mund të menaxhoj mire tani jetën time ne Londër. E di qe po shpenzoj shume ne një kohe kur mund te rrija ne shtëpinë time ne Tirane, por ky është një shpenzim qe do te me vleje për karrierën time artistike. Londra është Londër. E ku me mire se ne ketë vend duhet te investosh për të arritur qëllime të mëdha!? Mund te kisha qene ndoshta ne ndonjë vend tjetër duke kërkuar diçka me te mire për karrierën time, por ja qe me qëlloi te ndaloja gjate ne Londër.

Pse pikërisht ne Londër?

Ndoshta sepse aty gjeta kontaktet e duhura. Pas festivalit Evropian u njoha me një artiste angleze, Clar Sëene, ne një party qe u organizua për festivalin. Ajo me njohu me miq te saj dhe me profesoreshën Annet Battam, me te cilën do te nisja shume shpejt mësimet e kantos.

Si është e organizuar dita jote ne Londër?

Atje kam mësuar te kem një axhende, të cilën ne këto kohe e kam shumë të ngarkuar. Sepse përveç mësimeve te kantos, po marr dhe mësime baleti ne Pineapple commercial jazz. Kantoja është e përditshme, ndërsa baleti tri here ne jave.

Po mësimet e baletit, për çfarë te duhen? A mos duhet të mendojmë për ndonjë shfaqje ndryshe te Ledines, si balerine?

Jo, jo. Nuk kam ndërmend te shfaqem dhe si balerine. Këto mësime janë thjesht për të fituar elokuencen ne performance dhe elasticitetin qe i duhet një këngëtareje ne skene.

Duket qarte se paske projekte te reja ne duar…?

Nuk do doja të flisnim tani për pune qe sapo kane filluar. Kur te jene konkretizuar do flasim përsëri. Këtu jemi. (qesh).

Gjithsesi, edhe pse nuk po i zbuloni, kuptohet që qenkan projekte për ta cilat ia vlen të shpenzosh kaq shume e të qëndrosh kaq larg familjes…?

Sigurisht që po. Në këto kohë unë i kam vënë vetes qëllim të arrij diçka shumë të madhe, ndaj dashje pa dashje me duhet te rri ne Londër.

Edhe për sa kohe?

Këtë nuk di ta them. Gjithsesi do te jem gjithmonë ne lëvizje. Ja, ne sezonin e gushtit do të vij të rri përsëri gjate ne Tirane. Është kohe pushimesh dhe dua qe ne një kohe të tille të jem ne Shqipëri.

Si shkon një ditë e Ledinës në shtëpi, kur nuk ke asnjë angazhim jashtë?

Ne një dite të tille zgjohem vone. Përgatis mëngjesin, të cilin ne këto kohe qe po marr mësime kantoje e kam shtuar.

Çfarë shtron ne tryezën e mëngjesit?

Një mëngjes alla anglez, me pese llojet e receleve, me një gote të madhe qumështi dhe me pas vjen kafeja. Kur këto gjera nuk me gjendesh ne shtëpi, dal tek supermarketi qe kam afër shtëpisë, ku me pëlqen te shkoj krejt e shkujdesur dhe e pa grimuar për të blerë.

Çfarë blen zakonisht?

Gjeja me e zakonshme qe blej janë ca shishe te vogla “Activ day”, qe i pi sapo zgjohem ne mëngjes. Blej dhe plot cingërima te tjera, pasi ne darke kur ulem para televizorit me pëlqen ta kem tryezën plot me gjera nga me te ndryshmet. Ndërsa ushqime nuk blej dhe aq shume, pasi nuk është se me jepet shume për të gatuar.

Nuk gatuan asgjë dhe asnjëherë?

Zakonisht drekat i ha jashtë ose i porosis te me vijnë nga jashtë edhe atëherë kur gjendem ne shtëpi. Nëse me teket ndonjëherë te sajoj vete diçka, te them te drejtën nuk shkoj dot me tej supës apo ndonjë pjate spageti.