Sekretet e njerëzve super të shëndetshëm!

A jeni juve ziliqarë për kolegët dhe shokët tuaj të cilët si super heronj, duket sikur nuk sëmuren asnjëherë? Pra ju e dini për kë e kemi fjalën, për ato njerëz të cilët rrezatojnë nga shëndeti i mirë ndërkohë që të tjerët rreth tyre po teshtijnë , tërheqin hundët apo kolliten gjithë mllef. Mos i urreni njerëzit e shëndetshëm por përkundrazi mundohuni të vidhni sekretet që i mbajnë larg këto njerëz nga ilaçet dhe mjekët apo mundohuni të përmirësoni imunitetin tuaj ndaj sëmundjeve.

Ushtrime për trupin

Jennifer Casseta e cila është një instruktore e arteve marciale në qytetin e New York, pretendon se nuk sëmuret kurrë po ashtu si edhe babai apo gjyshja e saj të cilët ushtronin po të njëjtin profesion dikur. “Unë besoj që metoda holistike(spirituale) e ‘të stërviturit’ qetëson mendjen dhe çliron stresin” thotë ajo. “Kardioterapia, fuqia dhe kondicioni fizik ndihmojnë gjithashtu në forcimin e sistemit imun”.
Casseta thotë që me praktikimin e arteve marciale shëndeti i saj ka pësuar një ndryshim drastik. Më përpara në moshën 20 vjeçare, ajo ishte një duhan pirëse e thekur që konsumonte ushqime të gatshme dhe që pinte shume kafe ekspres.

“Ndërkohë që fillova të stërvitesha, ndryshova menjëherë zakonet e mia të vjetra”, thotë ajo. “Përmirësova dietën, hoqa dorë nga cigarja dhe shtova orët e ushtrimit dhe fitnesit. Tani në moshën 30 vjeçare , kam më shume energji, dukem më e bukur dhe jam më e fuqishme seç kam qenë ndonjëherë më përpara.”

“Një set i vrullshëm ushtrimesh dhe fitnesi rrit së tepërmi qarkullimin e gjakut”, thotë Christiane Northrup autore e Women’s Bodies, Women’s Wisdom(Trupi dhe Mençuria e femrave). “ Sa herë që rritet qarkullimi i gjakut, edhe sasia e qelizave të bardha(mbrojtëse) të gjakut rritet. Këto qeliza kontrollojnë për baktere invaduese dhe mbrojnë organizmin nga to.”
Kushtojini vëmendje gojës suaj

Këshilltarja e marrëdhënieve me publikun në Chicago, Joanna Brousard thotë që bërja e shpeshtë e gargareve me lëngje disinfektuese(antiseptike)
të gojës e ka ndihmuar atë në përmirësimin e higjienës së gojës dhe dhëmbëve duke parandaluar në këtë mënyrë shfaqjen e sëmundjeve të tjera. Ajo vazhdon duke thënë se mjeku higjienist e bindi atë që të bëntë rregullisht gargare pasi lante dhëmbët. “Kështu unë u përpoqa dhe e bëra këtë gjë zakon për çdo mëngjes,” thotë ajo. “Që atëherë nuk kam pasur asnjëherë të ftohura, edhe pse njerëzit përreth janë sëmurë me grip apo kanë qenë ftohur”.

Një arsye më shumë për të larë dhëmbët rregullisht dhe për të bërë gargara është se higjiena e keqe e gojës apo sëmundjet e mishit të dhëmbëve lidhet me shumë sëmundje të organizmit, ku përfshihet edhe diabeti.

Një mollë në ditë funksionon me të vërtetë

Shprehja e vjetër “ Një mollë në ditë mban mjekun larg shtëpisë” të cilën mund ta keni dëgjuar nga mami juaj është shumë e drejtë. Molla e kuqe, lule lakra dhe çaji jeshil përmbajnë një antioksidant të quajtur quercin mund të rrisë imunitetin tek individët e stresuar.

Në një studim të kryer nga David Nieman, profesor në universitetin Appalachian State rezultatet treguan, që vetëm 5% e çiklistëve( të cilët morën 1 000 mg quercin çdo ditë për 5 javë) shfaqën sëmundje respiratore pas një peridhe dy javore stërvitjeje intensive. Ndërsa 45% e atyre të cilët morën Placebo(substancë pa efekte) raportuan sëmundje pas një periudhe stërvitjeje intensive. Gjithsesi nuk u vunë re ndryshime të rëndësishme në funksionimin e sistemit imunitar në të dyja grupet.

Përveç kësaj, kërkuesit zbuluan se atletët të cilët merrnin quercenin zotëronin një vigjilencë mendore dhe kohë reagimi më të mirë se grupi tjetër. Prandaj mos iu ndani mollës së kuqe, dhe me siguri do të falënderoni mamanë tuaj në të ardhmen.

Mos u shqetësoni dhe mundeni stresin

Duhet të ndaloni së shqetësuari se mos sëmureni. Frika dhe të priturit se mos ndodh diçka e keqe ul imunitetin, thotë Northrup. “Kur njerëzit shqetësohen për të gjithë kohës ato”, – shton ajo, “ato në kuptimin e plotë të fjalës e frikësojnë veten për vdekje”.
Shqetësimi i vazhdueshëm shkakton rritje të nivelit të epinefrinës dhe kortizolit – por këto hormone(të quajtura të stresit) mund të dobësojnë imunitetin e trupit. “ Sistemi imunitar bie ndjeshëm kur kortizoli është në nivele të larta në mënyrë kronike “, thotë ajo. “Vetë trupi i njeriut prodhon shumë steroide kur kortizoli është në nivele të larta”.

Merrni më shumë Vitamina

Ne kemi një mungese epidemike botërore të Vitaminës D, thotë Northrup. Të gjithë kanë nevojë për vitaminë D e cila mund të merret në ushqime si peshku, vezët dhe qumështi.
Anketat tregojnë që amerikanët nuk marrin mjaftueshëm Vit C, thotë një instruktore fituesi. Agrumet janë një burim i mirë me vitaminë C. “është vetëm një mit fakti që Vitamina C parandalon të ftohurën porse marrja e sa më shumë vitaminave me anë të ngrënies se frutave dhe perimeve rrit gjithashtu imunitetin”, thotë instruktorja.

Mendja mbi trupin

Dizenjuesja e brendshme nga Atlanta e quajtur Melissa Galt, beson në qëndrimin e ‘mendjes mbi mjekësinë’. Ajo udhëton shpesh she nuk merr asnjë gjë për të luftuar mikrobet. “Nuk kam kohë për tu sëmurur, dhe nuk besoj në sëmundje”, thotë ajo.
çdo mendim, shoqërohet me një zinxhir reaksionesh biokimike, thotë Northrup. Kështu që një qëndrim pozitiv bën që të rriten nivelet e oksidit nitrik, të cilët ndihmojnë për të balancuar neurotransmetuesit, përmirësojnë imunitetin dhe rrisin qarkullimin. çdo herë që nivelet e oksidit nitrik janë të larta (nga qëndrimet pozitive tek fitnesi) , ju po përmirësoni rezistencën ndaj sëmundjeve, thotë ajo.

Meditimi

Felice Rhiannon, një terapiste e Yoga-s vlerëson meditimin dhe praktikat e frymëmarrjes, për përmirësimin e shëndetit të saj fizik dhe shpirtëror. “ Praktikat medituese ndihmojnë në qetësimin e sistemit tim nervor dhe lejojnë sistemin imunitar që të funksionojë më me pak interferenca. Një mendje qetë do të thotë freski fizike”, thotë ajo.

“Unë nuk sëmurem më si dikur”, thotë ajo “dhe ndryshimi i madh vjen nga qetësia e mendjes dhe ngaqë i marr gjërat më lehtë. Unë fle më mirë dhe aftësia për tu përballur me streset e paevitueshme të jetës më është përmirësuar ndjeshëm .”

Në një studim të publikuar në Psychosomatic Medicine (2003), kërkues nga Universiteti i Harvard dhe Wisconsin vunë re se vullnetarët që morën pjesë në një kurs meditimi 8 javor, kishin numër apo titër më të lartë antitrupash gripalë sesa ato që nuk medituan.


Mos shkëpusni lidhjet me shoqërinë

Sheldon Cohen profesor psikologjie, kërkimet e të cilit shqyrtojnë ndikimet e stresit dhe mbështetjes sociale mbi imunitetin dhe shëndetin thotë që, ka faktorë personaliteti të cilët bëjnë që disa persona të jenë rezistentë ndaj sëmundjeve kur ekspozohen ndaj një virusi.
Për shembull ekstrovertët (extrovert – i hapur, social) janë më pak të predispozuar për tu prekur nga sëmundjet, sesa introvertët ( introvert – i mbyllur, jo social). Profesor Cohen shpjegon se kjo nuk do të thotë se extrovertët kanë imunitet ndaj një virusi sepse komunikojnë dhe bashkëveprojnë me më shumë njerëz, porse ka diçka tek extrovertët që duket se i mbron ata.

Të pasurit e një rrjeti shoqëror të ndryshëm është gjithashtu e rëndësishme, thotë Pr. Cohen. Individët të cilët i përkasin grupeve sociale të shumta preken më pak nga sëmundjet. Bazuar në fakte nga Epidemiologjia njerëz të tillë kanë më pak probleme me zemrën dhe jetojnë më gjatë,- përfundon ai.

Jini pozitivë

Profesor Cohen sugjeron që njerëzit me sens emocional pozitiv – të përshkruar si të lumtur, entuziastë dhe të qetë – preken më pak nga të ftohurat.

Profesor Cohen dhe disa kërkues në Universitetin e tij, intervistuan 193 adultë të shëndetshëm çdo ditë për 2 javë duke regjistruar emocionet e tyre pozitive dhe negative, dhe pastaj i ekspozuan ata ndaj virusit të gripit. Ata njerëz me botëkuptim dhe emocione pozitive shfaqën më pak simptoma gripi dhe ishin më rezistent ndaj zhvillimit të një sëmundje respiratore të sipërme.

Profesor Cohen i komenton rezultatet e studimit të tij: “është një karakteristike e qëndrueshme e individit, dhe s’ka të bëjë me faktin nëse kanë qenë me humor apo jo ditën e ekspozimit ndaj virusit”

Lani duart sa më shpesh

Larja e duarve mund të tingëllojë si një këshillë për të luftuar bakteret, por shumë nga ne nuk janë syhapur për t’i larë ato pas përdorimit të tualetit.
Gjatë periudhës së ftohtit dhe të gripit, ju duhet të lani duart sa më shpesh për shkak të kontaktit me baktere patogjene nga më të ndryshmet – në doreza dyersh, parmakë apo gjatë kontaktit me njerëz të tjerë. Nga të dhënat që jep CDC (center for disease control –qendra per kontroll sëmundjesh), larja e duarve për 20 sekonda është mënyra më e mirë për tu mbrojtur nga të ftohurat apo dhe infeksionet e tjera.

Flini gjumë

Gjumi të mban të shëndetshëm, thotë Northrup. “Njerëzit që bëjnë 8 orë të pandërprera gjumi janë më të kthjellët”.
Ndërsa Pr. Cohen thotë që cilësia e gjumit ka shumë rëndësi, sepse njerëzit që i zë gjumi menjëherë dhe flenë top preken më pak nga të ftohurat sesa njerëzit që zgjohen disa herë brenda natës. Një gjumë i mirë gjatë natës rikthen imunitetin, sepse prodhohet më tepër melatoninë, një hormon që rrit imunitetin. Dhe për më tepër, të fjeturit nuk ka efekte anësore