Në botën e të njohurve hyra në moshë të re!

Intervistë me bukuroshen Edona Vllahiu

Nuk kishte besuar se do të fitonte kurorën e më të bukurës së Prishtinës, sepse në atë konkurs bukurie kanë marr pjesë shumë vajza jashtëzakonisht të bukura. Por “fati” e deshi që shtatëmbëdhjetë vjeçja nga Prishtina të zgjidhet më e bukura. Edona Vllahiu, thotë në intervistën dhënë gazetës se të mendosh për sfidat është e lehtë, por sa do ti realizosh ato që i mendon, kjo është gjë tjetër. Duhet shumë punë e përpjekje për ti arritur ato që edhe i mendon e planifikon. Pra dëshirat realizohen me punë duke mësuar e studiuar dhe nëse nuk keni ëndrra dhe dëshira atëherë nuk kemi edhe synime në jetë.



Keni marr pjesë në spektaklin e bukurisë Miss School Prishtina 2010, çfarë do të thotë ky epitet për ju?

Edona Vllahiu:Është e vërtetë se unë u zgjodha Miss Prishtina 2010 dhe kjo do të thotë shumë për mua, sepse edhe në moshë të re hyra në botën e të njohurve. Marrja e këtij epiteti do të thotë se është edhe një privilegj i madh për mua dhe të ardhmen time.

A besonit se do ta fitonit një epitet të tillë, kur dihet se keni pasur shumë konkurrente?

Edona Vllahiu:Nuk besoja se do të fitoja këtë çmim, sepse në këtë konkurs bukurie kanë marr pjesë shumë vajza të bukura e të cilat i çmoj jashtëzakonisht edhe po ashtu çmoj lartë bukurinë e tyre, por ja që fati deshi dhe u zgjodha unë më e bukura.

Kush ishte inspirimi juaj që të merrni pjesë në këtë spektakël bukurie?

Edona Vllahiu: Përkrahjen time më të madhe e kam pasur nga familja ime e të cilët i falënderoi shumë. Dua të them se nuk më ka munguar asnjëherë përkrahja e tyre dhe e cila mbështetje do të më jepet edhe në të ardhmen. Po ashtu më ka ndihmuar shumë edhe menaxheri im Sh. P. që të jem këtu me këto suksese.

Edhe pse e re në moshë keni marr pjesë në spektakle e sfilita të ndryshme, a mund të përmendi ndonjërën nga më të rëndësishmet?

Edona Vllahiu:Si modele kam marr pjesë në spektakle dhe revy mode të ndryshme, por po e përmendi vetëm njërën prej tyre, e cila ishe humanitare dhe e cila është organizuar nga kreatorja e njohur Blerina Kllokoqi Rugova. Kam marr pjesë edhe ne sfilita e revy të tjera. Jam shtatëmbëdhjetë vjeçare dhe shpresoj se pas marrjes së këtij epiteti të shënoi edhe sukses të reja, jo vetëm brenda, por edhe jashtë Kosovës.



Mendoni të vazhdoni me shkollimin që jeni në mjekësi, modelimin apo të dyja njëkohësisht?

Edona Vllahiu:Prioritet imi kryesor ishte dhe mbetet që të përfundoi shkollimin e mesëm të pediatrisë në Shkollën e Mesme të Mjekësisë “Ali Sokoli”, pse jo edhe Fakultetin e Mjekësisë, por nuk do të thotë që do ta lë anash modelimin, sepse është synim i imi të bëhen modele e suksesshme.

Me çfarë aktivitete jeni duke u marr momentalisht dhe cilat janë ofertat që ju kanë afruar?

Edona Vllahiu: Tani për tani i jam përkushtuar mësimit, sepse nuk do ta lë anash asnjëherë shkollimin, mirëpo për faktin që morra këtë çmim më ka ardhur edhe oferta e parë ku jam e ftuar në një revy mode e cila do të mbahet këto ditë n Prishtinë, po ashtu kam marr edhe oferta tjera e të cilat besoj se nuk do ti anashkaloi.

Familja ju preferon të merreni me modelizëm apo me kryerjen shkollës së mjekësisë kur dihet se janë profesione aspak të afërta njëra me tjetrën?

Edona Vllahiu:Drejtimin e Pediatrisë e zgjodha unë, mendimin tim e përkrahen edhe prindërit e mi. Kjo do të thotë se mjekësisë do ti përkushtohem shumë nga vetë fakti se dëshiroj t’iu gjendem pranë njerëzve për nevoja shëndetësore. Ndërsa dihet se manikenizmi ndryshon krejtësisht nga shëndetësia, por do të punoj në mënyrën e duhur për ti realizuar qëllimet e mia si modele.

Cilat janë sfidat me të cilat mendoni të vazhdoni në të ardhmen?

Edona Vllahiu: Të mendosh për sfidat është e lehtë, por sa do ti realizosh ato që i mendon, kjo është gjë tjetër. Duhet shumë punë e përpjekje për ti arritur ato që edhe i mendon e planifikon. Pra dëshirat realizohen me punë duke mësuar e studiuar dhe nëse nuk keni ëndrra dhe dëshira atëherë nuk kemi edhe synime në jetë.