Në “Shpinë e Kosovës” nuk kam hyrë vetëm për t’u grindur

Personazhi më i qetë i “Shpish së Kosovës” Arben Rexhepi, me profesion gazetar, është larguar nga “Shpija..” një javë para se të përfundojë spektakli. Megjithëse është konsideruar favorit i këtij shou medial, “heshtja” e tij pos që ka provokuar mysafrët te tjerë të shtëpisë, duket se më në fund ka “revoltuar” opinionin e gjerë publik, prandaj me votat e tyre e kanë larguar nga spektakli. Arben Rexhepi flet për “Botën e yjeve” për jetën e tij brenda “Shpisë...” dhe për arsyet e daljes nga “Shpija...”

Intervistoi: Albulena Neziri

Si e morët vendimin për të hyrë në një spektakël siç është “Shpija”?

Beni: Ishin shoqëria ata të cilët tash e 2-3 vite me thonin se duhet të jem pjesë e ndonjë spektakli të këtij formati, e pasi një i tillë u organizua edhe në Kosovë dhe ishte hera e parë, kjo më bëri që të mos hezitoj (do të thotë më së shumti shtysë më dhanë shoqëria).

Fakti që ishit gazetar, shpesh herë merrej si një arsye më tepër që ju të tregoni apo të dominonit në atë shtëpi, po mendoni se profesioni në të tilla forma televizive nuk ka aq rëndësi sesa ka personaliteti i banorit?

Beni: Nuk kishte ndonjë rregull të shpisë që thotë se nuk lejohet të marrësh pjesë në qoftëse je gazetar, e në qoftëse mysafirët e shpisë e merrnin si negative këtë gjë ose dominante, më mirë do ishte edhe për ta po ta mirrnin në aspektin pozitiv të fjalës sepse do mësonin diçka më shumë. Kurse shikuar në përgjithësi mendoj së në formate të tilla do të duhej të merrej më tepër parasysh personaliteti.

Banorët brenda shtëpisë arsyet se përse ti duheshe të nominoheshe ishin se nuk je aktiv, se nuk grindesh se je njëri i qetë. Mendoni se te ky brez qetësia, durimi dhe vetëpërmbajtja është anti-vlerë?

Beni: Haha …ishte justifikim i tyre për të gjetur ndonjë arsye, ose e kishin keqkuptuar “Shpinë” duke menduar se vetëm me grindje mund ta tregosh vetën. Mendoj se grindja është ajo që përbën antivlerë si një nga karakteristikat më të shëmtuara të një njeriu.

Ndërsa u vlerësua shumë përkrahja që i dhatë një prej banoreve më të kritikuara për jetën e saj private, edhe në mënyrën më të ulët të mundshme, nga banorët, Fitores, ishit i vetmi. Mendonit se ky fakt iu kthente kundër banorëve të tjera?

Beni: Hmmm përbrenda shpisë një fjalë e vetme cilado qoftë ajo mund të merret si negative, në momentet kur dikush dëshiron të sjellë një porosi të mirë për të tjerët mendojë se s’duhet gjykuar në mënyrë negative siç ndodhi në rastin e Fitores. Kurse ajo që më kthente kundër banorëve ishte frika e tyre për respektin që kisha unë për të tjerët.

Duhet thënë se dalja jote ka qenë absolutisht e papritur, disa ditë pas largimit a na jepni një mendim pak më të “ftohtë” për këtë?

Beni: Edhe për mua dalja ishte shumë shumë e papritur.

Të qenit brenda në shtëpi të detyron që të debatosh edhe për ato çështje që nuk debatohen, të ndash jetën dhe gjërat intime me ta, por jashtë kë ka përzgjedhur Beni nga ish-banorët?

Beni: Beni është i hapur të bisedojë me cilindo nga banorët, e në qoftë se ata zgjedhin edhe tema e fjalë të cilat i përdornin edhe brenda, Beni shumë thjeshtë do largohet të vazhdojë punët e tij dhe të bëjë diçka më të mençur p.sh të takojë shoqërinë të cilën ai e ka tash e sa vite.

Kë shikoni si fitues dhe çfarë ka një tipar të fortë dhe të dobët të themi?

Beni: Do e shikojë fituesin/en e 24 mijë euro të shtunën.

Dalja e juaj nga shpia e Kosovës, ka habitur të gjithë qytetaret e Kosovës, ata të kane parë si fitues dhe a beson ti se vota ke pasur për të shkuar ne finale?

Beni: Këtë ma thonë çdo ditë e më shumë gati gjithë njerëzit që takoj. Dalja ime ishte befasuese edhe për ta.

Box: Nuk kishte ndonjë rregull të shpisë që thotë se nuk lejohet të marrësh pjesë në qoftëse je gazetar, e në qoftëse mysafirët e shpisë e merrnin si negative këtë gjë ose dominante, më mirë do ishte edhe për ta po ta mirrnin në aspektin pozitiv të fjalës sepse do mësonin diçka më shumë. Kurse shikuar në përgjithësi mendoj së në formate të tilla do të duhej të merrej më tepër parasysh personaliteti.

Box: Hmmm përbrenda shpisë një fjalë e vetme cilado qoftë ajo mund të merret si negative, në momentet kur dikush dëshiron të sjellë një porosi të mirë për të tjerët mendojë se s’duhet gjykuar në mënyrë negative siç ndodhi në rastin e Fitores. Kurse ajo që më kthente kundër banorëve ishte frika e tyre për respektin që kisha unë për të tjerët.