Sasa: Nga “Shpija e Kosovës” fitova famë dhe më shumë se 24 mijë euro”

Shpija e Kosovës” është program shou i Televizionit 21 që ka zgjatur për plot tre muaj. Mes kandidateve të parë të këtij shou që prezantoi moshën e saj, ishte edhe Saranda Hoda e njohur si Sasa, nxënësja maturante e shkollës së mesme “Kadri Kusari” në Gjakovë. Sasa ka fituar famë nga ky spektakël ndërsa ka bërë për vete shumë fansa që e ndjekin në hap aktivitetin e saj. Ajo është një vajzë ambicioze që dëshiron të bëjë më shumë për shoqërinë kosovare, sepse mendon se të rinjtë janë ata që mundë të lëvizin gjërat për të mirën e këtij vendi.

- Kush është në të vërtetë Sasa?

Sasa është një vajzë 18 vjeçare e lindur në Pejë, e rritur në Gjakovë. Jam nxënëse në Shkollën e Mesme Ekonomike “Kadri Kusari”, drejtimi doganës. Nga aktiviteti jashtë mësimor kam bashkëpunuar me Radio Gjakovën ku kam përgatitur bashkë me shoqet dhe shokët emisione për të rinj. Hobi kam stilingun, manikyr-pedikir dhe me dëshirë merrem me rregullimin e thonjve. Jam adhuruese e aktiviteteve rinore. Për të mirën e vendit tim dëshirojë të jap gjithçka që mundem nga mosha rinore duke u marrë me shumë aktivitete rinore. Dëshirojë të jem në të gjitha aktivitetet që shkojnë në favor të një zhvillimi të përgjithshëm të shoqërisë kosovare.

- Çka të nxiti të konkurrosh në një spektakël të tillë?

Arsyeja e vetme ishte kureshtja. Për nga natyra jam shumë kureshtare dhe desha ta provoj veten në një shou rinor. Besojë se e sprovova veten me sukses, por mendimin më të drejtë mundë ta jap shikuesi.

- Nga kush ke pasur përkrahjen më të madhe, nga shoqëria apo familja?

Në fillim nga shoqëria pastaj normalisht edhe familja. Këto kanë qenë dy shtyllat shtytëse të vendimit tim për të marrë pjesë në këtë spektakël televiziv. Nuk jam fare “pishman”...!

- Si ishte fillimi, 24 orë para kamerave?

Të them të drejtën javën e parë ishte shumë e vështirë për mua, sepse nuk jam mësuar të jetojë në atë mënyrë si në “Shpinë e Kosovës”. Me kohën u mësova, pastaj u familjarizova edhe me kamera…(hahah)

- Sa herë je prezantuar në programet e së shtunës, ke marrë nga publiku. A ke menduar pse të kanë duartrokitur publiku?

Mendoj se këtë e ka bërë ajo energjia dhe mesazhet pozitive që i kam dhënë gjithmonë publikut, që më ka ndjekur 24 orë, pastaj ndoshta i ka prekur pak edhe historia e jetës time dhe sinqeriteti im.

- A ke qenë vetja apo ke luajtur ndonjë rol për aq kohë sa ke qëndruar

brenda?

Jo, assesi. Unë kam qenë 99% vetja. Njerëzit që më njohin shumë mirë e dinë se kush ka qenë Sasa aty.

- Ke pasur mundësi të ndjesh nga afër, ide, botëkuptime, paragjykime e gjithçka që e karakterizon moshën rinore. Si do ti kishe ndarë banorët sipas këtyre karakteristikave?

Jeta në një familje siç ishim ne në “Shpi…” me botëkuptime të ndryshme është një shkollë e vërtetë që sugjerojë ta kishte mundësinë ta kalojë çdo i ri. Kjo është e pamundur por mendojë se Kosovës i duhen të tilla aktivitete për tu njohur të rinj nga afër. Nga shoqëria, në një shtëpi, në një jetë të përbashkët mëson shumë gjëra interesante. E njeh veten dhe të tjerët më mirë dhe ato përvoja të shërbejnë gjatë gjithë jetës. Kuptohet gjërat e mira i merr për vete ndërsa gjërat e këqija i dëbon përgjithmonë…

- Me kë kishe raporte më të mira dhe kush në anën tjetër të bënte nervoz?

Padyshim, me Qëndrimin, pastaj me Erlinden dhe Metin. Në të kundërtën më kanë nervozuar Lena dhe Suzana.

- Je parë me shokët e “Shpisë..” edhe në Gjakovë. Do të vazhdojë shoqëria edhe më tej?

Do të vazhdojë por jo me të gjithë. Mendojë se do të vazhdojë shoqëria jonë me një pjesë prej tyre, si me Qëndrimin, Erlindën, Metin, Majlindën, Zikon, Musën dhe Benin. Me ta do të mbajë shoqërinë e ngushtë, sepse janë shumë të mirë.

- Për kohën sa ke qëndruar në “Shpi..” ka pasur momente të këndshme dhe të vështira? Cilat ishin çastet e lumtura?

Vet fakti që kam pas fatin të hyjë në shpi dhe pastaj shpërblimi që mu dha nga “Tring TV - Vizion Plus” dhe producentët e shpisë…

- Po ato momente të rënda cilat ishin?

Dënimet e Zotit tw Shpisë...(hahaha)

- Çka ke përfituar nga ky spektakël?

Mendoj se unë jam ajo që ka përfituar më së shumti nga ky spektakël. Së pari kam fituar shumë famë, shumë miq të rinj, shumë gjëra të bukura dhe mbi të gjitha kam fituar shumë njerëz që më donë dhe më përkrahin. Unë i’a kam arritur qëllimit për të cilin kam hy. Kam fituar më shumë se 24.000 euro, sa është premia e fituesit të “Shpisë...”

- Si je ndjerë në ato momente të largimit?

Më ka ardhur shumë keq që kam zhgënjyer fansat me daljen time, por në atë moment jam ndjerë shumë e lumtur, sepse më mungonte shumë jeta jashtë shpisë.

- Për fund!?

Ju falënderoj shumë... Urojë që këtë përvojën time ta përjetojnë edhe shumë të rinj tjerë./gjakovapress.