°°~°° SiKuR Të IsHtE FeMrA UdHëHeQëSe? °°~°°

Femra është ajo qenia delikate, e brishtë, e zgjuar e sinqertë që asgjë nuk mund ta mposhtë,...

Andaj, sikur të ishte femra udhëheqëse e botës, çfarë do ndryshonte bota?
Një botë e drejtuar nga femrat do ishte e jashtëzakonëshme,... madje mund ta krahasojm sikur me një livadhë me lule,...

Të gjitha problemet do zhdukeshin, (duke filuar nga luftërat), dhe të gjithë do ishim të lumtur,(hahaha çfarë imagjinate?).

Prandaj, jam kurioze të ju lexoj,... sipas mendimit të juaj, se si do ishte bota, në një rast të tillë?

Me respekt,...Dona20.

60% e të diplomuarve universitarë në Evropë janë femra

Mjafton që ato të arrijnë në një numër të mjaftueshëm në bordet e korporatave

Nuk ka dyshim se kancelarja gjermane, Angela Merkel, është liderja më e fuqishme në Evropë. Drejtoresha menaxheriale e Fondit Monetar Ndërkombëtar (FMN), Kristin Lagarde, është njëra ndër figurat më me ndikim në tërë ekonominë e globit. Britanikët ende vazhdojnë që t’i referohen Zonjës së tyre të hekurt, kryeministres Margaret Theçër, kurse finlandezët janë udhëhequr nga një presidente, Tarja Halonen, nga viti 2000 deri më 2012. Evropa thuajse është mësuar tanimë me femrat në vende udhëheqëse në qeveri, por jo edhe në biznes. Por, femrat nevojiten më së shumti aty - në biznes. Evropa gjendet në telashe të mëdha, ekonomia e saj për momentin është duke u mbajtur disi, por asaj vazhdon që të kërcënohet nga rreziku i recesionit, duke rrezikuar që ta tërheqë me vete edhe pjesën më të madhe të botës.
Talentet e pashfrytëzuara

Gratë eventualisht do të mund ta shpëtonin ekonominë, sikur numri i tyre të ishte më i madh, jo vetëm në fuqinë punëtore, por edhe në vendet udhëheqëse. Ato nevojiten në bordet udhëheqëse dhe në postet tjera të larta, ku tradicionalisht kanë munguar. Mesatarisht, 10% e zyrtarëve të lartë të korporatave evropiane janë femra, por në shumë vende evropiane, ajo shifër është më e ulët. Në Suedi, ajo shifër është 21%, derisa në Gjermani vetëm 3%. Vendosja e femrave në poste të larta të menaxhimit ka të bëjë, pikë së pari me shfrytëzimin e talentit, që është në dispozicion: 60% e të diplomuarve universitarë në Evropë janë femra. “Ne jemi një shoqëri që është duke u plakur”, thotë zëvendëspresidentja e Komisionit Evropian, Vivian Reding. “Ne nuk mund t’ia lejojmë vetes që të lëmë talente të pashfrytëzuara”. Kur Reding kërkoi nga shkollat e larta të biznesit që ta përpilonin një listë të femrave që janë të kualifikuara për të qenë në bordet e korporatave të Evropës, ajo mori një listë prej rreth 8.000 emrash. Megjithatë, në pjesën më të madhe të Evropës, vazhdon që të mbretërojë një rezistencë ndaj tyre.Femrat menaxhere

Femrat nevojitet që t’u ndihmojnë korporatave, që të rreken me një ambient gjithnjë e më të paparashikueshëm të biznesit. “Ne besojmë fuqishëm se sa më pak e sigurt që të jetë bota, aq më i llojllojshëm duhet të jetë menaxhmenti”, thotë Agnes Audie nga “Boston Consulting Group”. Kjo llojllojshmëri mund të sigurohet nga kombet e ndryshme apo nga stilet e ndryshme, por gjithnjë e më shpesh është evidente se një gjë e tillë më së miri mund të sigurohet nga gjinitë e ndryshme.
Konsulentët e kompanisë “McKinsey & Co.”, kanë dëshmuar se ekziston një lidhje shumë e fortë midis pranisë së femrave në postet ekzekutive, sensit pozitiv të kompanisë në lidhje me performansën e vet organizative dhe performancës së saj financiare. Në fakt, në njërin nga studimet më të reja, “McKinsey” ka zbuluar se shumica e klientëve të anketuar kanë thënë se lloji i menaxhimit që dëshironin në kohët e krizës, është ai që zakonisht lidhet me femrat: një vendimmarrje e përbashkët, një shfrytëzim i shkathët i pritjeve dhe shpërblimeve, një stimulim intelektual. Megjithatë, ajo që shumë biznese janë duke e marrë që nga fillimi krizës, është një rritje e menaxhmentit diktatorial, i cili shpesh mishërohet nga shefat meshkuj.

Ndryshime të ngadalta për gratë në poste të larta

Përpjekjet e Redingut për ta vënë një kuotë mbarë-evropiane rreth pranisë së femrave në bordet e korporatave, një detyrë që në shikim të parë duket shumë e thjeshtë, ishte zvarritur që nga fundi i vitit të kaluar. Kuota prej 40% është miratuar si standard evropian, por secili vend e ka mbajtur të drejtën që të vendosë se a do ta shndërrojë këtë kuotë në ligj. “Unë jam në politikë që nga viti 1979 dhe kurrë deri tani nuk kam parë një luftë të tillë”, tha ajo. Gjatë disa viteve të fundit, pjesa më e madhe e kompanive në Evropë kanë ndërmarrë iniciativa ndër më të ndryshmet. Ata ende nuk i kanë parë rezultatet e asaj që kanë bërë, thotë Sandrin ¬Devillard, lidere globale e Iniciativës së grave të “McKinsey”-t. Hapi tejet i ngadalshëm i ndryshimeve për gratë në poste të larta, nuk ka të bëjë vetëm me Evropën, por në këtë kohë krize, ky problem vetëm sa ështëtheksuar edhe më shumë. Nëse emërimi i një numri më të madh të femrave në poste ekzekutive dhe në bordet e korporatave mund të ndihmojë, atëherë pse një gjë e tillë nuk është duke u ndërmarrë më shpejt? Redingu thotë se përgjigjja në këtë pyetje është e thjeshtë. “Ujqit e vjetër – meshkujt – nuk duan që të shqetësohen nga ardhja e femrave. Natyrisht, realiteti është më i komplikuar dhe kërkimi i zgjeruar i Devillardit për “McKinsey”-n sugjeron pse është kështu. Devillard, 43-vjeçare, kishte filluar të punonte për “McKinsey”-n, thuajse dy dekada më parë. Ajo ishte fëmija i vetëm i prindërve francezë dhe e kishte kaluar një pjesë të madhe të rinisë në shkretëtirën e Nigerisë, ku i ati i saj punonte për një kompani franceze si inxhinier kimik.

Përvoja e 43-vjeçares

Falë një edukimi të mirë dhe një energjie të madhe, ajo mori një bursë nga “McKinsey” në Paris, ku më pas filloi që ta trasonte rrugën e saj drejt majave më të larta të korporatës, e cila i ka 102 degë në mbarë botën. Ajo thotë se e ka pasur fatin që të punonte në një ambient të tillë, ku përkatësia gjinore nuk kishte fare rëndësi për shefat. Por, kur kishte vendosur që ta lindte fëmijën e parë, Devillardit iu kishte kujtuar se, megjithatë, ishte femër. Ajo thotë se një gjë e tillë e kishte stresuar shumë. “Kisha ndjenjën sikur isha duke shkuar me një shpejtësi tëmadhe në autostradë, pa e ditur se ku duhej të shkoja”, thotë ajo. Pasi që u kthye në kompani pas pushimit të lindjes, ajo u bë e vetëdijshme se sa të pakta ishin femrat në postet udhëheqëse. Ajo ia tha këtë gjë shefit të saj dhe ai u pajtua se duhej të ndërmerrej diçka në këtë drejtim. Në vitin 2005, Devillardi arriti që të zgjidhej partnere e kompanisë. Mu në këtë kohë, asaj i lindi ideja e bërjes së një studimi rreth femrave në botën globale të biznesit, ide e cila, për fat të mirë, i pëlqeu edhe shefit të saj.

Studimi

Në njërin nga studimet më të reja, “McKinsey” ka zbuluar se shumica e klientëve të anketuar, kanë thënë se lloji i menaxhimit që dëshironin në kohët e krizës, është ai që zakonisht lidhet me femrat: një vendimmarrje e përbashkët, një shfrytëzim i shkathët i pritjeve dhe shpërblimeve, një stimulim intelektual.
10

për qind e zyrtarëve të lartë të korporatave evropiane janë femra