Largohen Seldi dhe Hakiu!

Eliminim i papritur ka ndodhur në spektaklin e së shtunës në “Big Brother”. Pas largimit të Seldit, “Vëllai i Madh” ka vendosur që të ketë një eliminim tjetër. Kika dhe Jetmiri janë përballur në këtë eliminim të dytë, një sfidë e cila është cilësuar si më e forta gjatë edicionit të tretë të “Big Brother Albania”. Kjo sfidë është fituar nga Jetmiri, ndërkaq Hakiu, i cilësuar si pretendent i këtij edicioni, është detyruar të lërë shtëpinë me një epërsi të vogël të votave më shumë se Jetmiri. Shumë prekës ka qenë edhe largimi i Seldit, i cili në përballjen e javës me Hekiun, Erionin, Mirin dhe Mandin ka qenë më i votuari për të lënë shtëpinë. Domi me lot në sy ia ka kumtuar lajmin e hidhur Seldit. Ndërkaq, ashtu si çdo javë, nuk kanë munguar as surprizat për banorët brenda shtëpisë.

I tillë ka qenë realizimi i portretit të babait të Klodit, të cilin ai e priti me shumë emocione. Një tjetër surprizë është menduar edhe për Jonën, nga i fejuari i saj, Christopher. Chris i ka shprehur dashurinë e tij Jonës, me anë të një klipi. Të dy janë njohur në Afrikë të Jugut ku dhe kanë nisur lidhjen. Më pas, Jonës i është dashur të zhytet me rroba në fund të pishinës për të marrë enën, që brenda kishte dy bileta për Kampionatin Botëror në Afrikën e Jugut, si dhe një letër të dërguar nga Chris. Këtë javë banorët do të përballen me një sfidë sa të vështirë, po aq edhe interesante. Prova e ardhshme quhet “Kopshti zoologjik”. Banorëve do t’iu duhet të kujdesen për kafshët, t’i lajnë, t’i ushqejnë etj. Ndërkaq, këtë javë të nominuar janë Jetmiri, Erioni, Mandi dhe Jona.