Shprehitë që na plakin para kohe

Shprehitë e këqija: pirja e duhanit, alkoolit, mungesa e aktivitetit fizik dhe të ushqyerit joadekuat, mund të ndikojnë që njeriu të duket edhe deri në 12 vjet më i vjetër, ka dëshmuar një studim i ri. Pas 20 vjet të përcjelljes së gati 5.000 britanikëve të rritur, shkencëtarët kanë konstatuar se shprehitë e këqija kanë ndikim shumë të dëmshëm në shëndet.

Këto shprehi të këqija janë: pijet alkoolike, më pak se dy orë ushtrimesh në javë dhe marrja e pemëve dhe perimeve më pak se tri herë në ditë. "Organizmi i personave që janë të prirë për këto shprehi mund të duket edhe deri në 12 vjet më i moshuar krahasuar me personat e moshës së njëjtë që nuk kanë këto shprehi", ka deklaruar kërkuesi kryesor shkencor Elizabeth Quavick nga Universiteti i Oslos.

Të gjitha shprehitë e këqija ishin hasur te 314 persona, ku gjatë kohëzgjatjes së studimit, kishin vdekur 91 sish, respektivisht 29%. Nga 387 pjesëmarrësit më të shëndoshë në studim, kishin vdekur 32 sish, respektivisht 8%.
Shkaktarët më të shpeshtë të vdekjes ishin sëmundjet e zemrës dhe kanceri, sëmundje të cilat lidhen me stilin jo të shëndetshëm të jetës. Kjo nuk dmth se të gjithë ata që bëjnë një jetë më të shëndetshme do të jetojnë patjetër më gjatë se ata të tjerët, por megjithatë ata kanë gjasa më të mëdha për një jetë më të gjatë dhe më kualitative.