Formula 1

Baton dhe Barrikelo konfirmohen të shpejtë. Hamilton i treti

Në garën e parë të historisë së saj, Braun GP ka arritur një fitore të jashtëzakonshme në Çmimin e Madh të Australisë, garës së parë të sezonit 2009 të Formula 1. Në Melburn, Xhenson Baton e ka udhëhequr garën që nga fillimi e deri në xhiron e fundit, duke u renditur i pari. Menjëherë pas tij është pozicionuar shoku i vet i skuadrës, Rubens Barrikelo, ndërsa në vend të tretë, një pozicion surprizë ky, është renditur kampioni i botës në fuqi, Luis Hamilton, pas penalizimit të Jarno Trulit. Mjaft e dobët paraqitja e makinave Ferrari: si Felipe Masa, po ashtu edhe Kimi Raikonen nuk kanë arritur ta përfundojnë garën.

Më në fund, ëndrra e Ros Braunit është bërë realitet. Makina e projektuar nga pronari më i ri i ish-skuderisë japoneze, e cila ka gjetur edhe sponsorin e parë të sezonit, “Virgin” e Riçard Bransonit, ka dominuar tërësisht garën me të dy pilotët e saj, ndonëse paketa e shpërndarjes e përdorur prej skuderisë ka shkaktuar kontestime. E rregullt ose jo, këtë do ta vendosë Federata Ndërkombëtare e Automobilizmit pas më pak se dy javësh. Batën ka qenë i paarritshëm gjatë gjithë garës, ndërsa Barrikelo për disa momente rrezikoi të prishte dyshen fituese, por falë aksidentit që kanë pësuar Sebastian Fetel dhe Robert Kubica, duke luftuar për vendin e dytë, piloti brazilian i Braun GP-së arriti t’i parakalojë. Për shkak të kësaj përplasjeje, dy pilotët nuk kanë mundur ta përfundojnë garën. Megjithatë komisarët kanë gjykuar fajtor Fetelin.

Prandaj, ai duhet të niset 10 vende më pas në vijën e startit të garës së ardhshme të Malajzisë, si dhe duhet të paguajë 50 mijë dollarë gjobë, sepse ka vazhduar garën me makinën e dëmtuar. Ndërkohë Jarno Truli është penalizuar, për arsye se ka parakaluar pilotin britanik të McLaren-it në momentin që ka qenë në pistë makina e sigurisë. Dy herë kampioni i botës, Fernando Alonso, ka arritur të pozicionohet në vendin e pestë. Mirëpo nuk kanë pasur të njëjtin fat pilotët e “kokëkuqes”, të cilët pavarësisht se kanë luftuar shumë për t’u renditur ndër vendet e para, për shkak të disa problemeve me F60-ën asnjëri nga ata nuk ka arritur ta përfundojë garën.

1. Baton 1h 34'15"784
2. Barrikelo +0.807
3. Hamilton +2.914 (Kampioni i botës fiton vendin e tretë të podiumit, pas skualifikimit të Tojotas së Jarno Trulit)
4. Glok +4.435
5. Alonso +4.879
6. Rosberg +5.722
7. Buemi +6.004
8. Burde +6.298

Britanezi Jenson Button udhëhoqi triumfin e ri të Brawn GP në garën për Shpërblimin e Madh të Spanjës në Formula 1, në fitoren e tij të katërt nga pesë garat e para të sezonit.

Për vitin e nëntë me radhë, fitorja ne pistën e Katalanisë i takoi pilotit, i cili u nis nga pozita e parë startuese pasi Button arriti në cak 13.0 sekonda para kolegut të tij, brazilianit Rubens Barrichello.

Australiani Mark Webber ishte i treti në Red Bull – në podiumin e tij të dytë këtë sezon – para kolegut të tij, Sebastian Vettel. Spanjolli Fernando Alonso solli gëzim të madh te tifozët vendas, duke siguruar pozitën e pestë pas tejkalimit të Ferrarit të Felipe Massas në xhiron e fundit.

Braziliani Massa, i cili ishte lider për një xhiro pas ndaljeve të para në pitstop, u desh të ngadalësojë në xhirot e fundit për të kursyer karburant, meqë ekipi e paralajmëroi se rrezikon të mos përfundojë garën.

Tri pikët prapë ishin të parat për të gjatë këtij sezoni, ndërsa gjermanët Nick Heidfeld nga BMW Sauber dhe Nico Rosberg nga Williams përfunduan në pozitat shtatë dhe tetë respektivisht. Button, i cili arriti fitoren e tij të pestë në karrierë, ishte tejkaluar në fillim nga Barrichello, por u rikthye si lider para brazilianit, pas ndryshimit të strategjisë në dy ndalje në bokse.

Britaniku tani ka 14 pikë më tepër se kolegu i tij 36 vjeç, i cili ishte më së afërmi fitores së parë prej kur ishte koleg i Michael Schumacherit në Ferrari më 2004. Kampioni i vitit 2007 në Ferrari, Kimi Raikkonen – fitues i vitit të kaluar në Barcelonë – u tërhoq pas më pak se një të tretës së garës, ndërsa kampioni aktual, Lewis Hamilton në McLaren përfundoi i nënti, duke u tejkaluar për një xhiro nga bashkëkombësi i tij.

Rezultatet e garës:

1 Jenson Button1:37:19.202
2 Rubens Barrichello1:37:32.258
3 Mark Webber1:37:33.126
4 Sebastian Vettel1:37:38.143
5 Fernando Alonso1:38:02.368
6 Felipe Massa1:38:10.029 3
7 Nick Heidfeld1:38:11.514 2
8 Nico Rosberg1:38:24.413

Renditja e përgjithshme:

1 Jenson Button 41 pikë
2 Rubens Barrichello 27
3 Sebastian Vettel 23
4 Mark Webber 15.5
5 Jarno Trulli 14.5
6 Timo Glock 12
7 Lewis Hamilton 9
8 Fernando Alonso 9