''Skype'' tani edhe për Android!

Pas paraqitjes për platformën e popullarizuar të Apple, Skype tani është gati edhe për platformën Android të Google, por vetëm për pajisjet që punojnë me versionin 2.1 ose me versionet e fundit.

Aplikacioni i Skype ju mundëson përdoruesve që të bëjnë thirrje pa pagesë Skype-to-Skype, si dhe të dërgojnë e pranojnë IM (Instant Message) pa pagesë. Thirrjet drejt celularëve tariforen nga tarifat standarde të Skype, dhe ato thirrje mund të realizohen edhe përmes Wi-Fi e edhe përmes 3G.

Nëse veçse keni një llogari të hapur në Skype, ju do të jeni në gjendje që të keni qasje të menjëhershme në listën tuaj të kontakteve, në celularin tuaj Android, pasi të jeni kyçur.

Skype për iPhone, që ishte lansuar në maj të vitit 2010, është një prej aplikacioneve më të suksesshme për platformën iOS, dhe pritet që Skype për Android të arrijë të njëjtin nivel të suksesit. Përdoruesit e Android mund të instalojnë aplikacionin përmes skype.com ose përmes Android Market.