Kompjuterët e ardhshëm do të startojnë shumë më shpejtë

Duket se po afrohet koha t’ia zgjasim dorën BIOS-it e t’i themi kalofsh mirë, sepse një teknologji e re e quajtur UEFI po paraqitet në horizont dhe për të thuhet se do të reduktojë në mënyrë drastike kohët e nevojshme për startim të një kompjuteri (ndryshe proces që njihet si boot).

Gjenerata e ardhshme e kompjuterëve të shtëpisë do të jetë në gjendje të startojë brenda disa sekondave, pasi që teknologjia 25 vjeçare BIOS është duke u bërë gati t’i lëshojë vendin një softueri të ri që po quhet UEFI.

Teknologjia BIOS, që ka qenë në përdorim tek kompjuterët qysh prej viti 1979, nuk ishte dizajnuar që të ketë një jetë kaq të gjatë, dhe kjo është një prej arsyeve që kompjuterët modern po marrin aq shumë kohë për tu startuar dhe për të qenë gati për punë.

Për kontrast, UEFI që ka kuptimin në anglisht Unified Extensible Firmware Interface, është ndërtuar që të arrijë nevojat moderne kompjuterike, dhe së shpejti do të jetë teknologji e pranishme në kompjuterë e rinj, duke mundësuar që ata të shkojnë prej “off” në “on” brenda disa sekondave.

“Momentalisht, ju duhen 25 deri në 30 sekonda për të nisur kompjuterin para se të shfaqet shenja e parë e kyçjes në sistem operativ” thekson Mark Doran, lider i forumit UEFI. “Me UEFI, ne do të kalojmë shpejtësinë e startit në disa sekonda”.

“Nuk është diçka si ndezje e menjëhershme, por është diçka shumë më e dobishme dhe më e shpejtë sesa që BIOS mund ët menaxhojë”.

Teknologjia BIOS ka ndryshuar shumë pak qysh prej se është prezantuar në ditët e para të kompjuterit, dhe sistemi është duke pasur vështirësi që të zë hapin me zgjidhjet moderne kompjuterike, siç janë tastierat e lidhura me USB apo Flash disqet.

UEFI është një sistem më adaptim, që mund të zë hapin me tastiera dhe elemente tjera shtesë që janë të lidhura në porte të ndryshme, dhe që gjithashtu mund të përdoret për të përkrahur gjeneratën e ardhshme të ekraneve të ndjeshëm në prekje dhe të ndërfaqeve me gjeste natyrale të kontrollimit.

Ekspertët thonë se UEFi do të ketë një ndikim të theksuar në treg qysh prej se do të filloj paraqitjen në vitin e ardhshëm. Shumë kompani janë duke tentuar të reduktojnë kohën për startimin e sistemit kompjuterik, që është një faktor veçanërisht i rëndësishëm për ;pajisje mobile dhe tablet kompjuter. Chrome OS i Google që do të paraqitet së shpejti në treg thuhet se starton për shumë pak sekonda.mg]