Ku këshillohet të udhëtohet gjatë stinës së vjeshtës?!

E kush tha që me ikjen e verës morën fund dhe pushimet?

Vjeshta është stina ideale për të pushuar, pasi nuk është e nevojshme të durosh temperaturat e larta, por mund të shijosh ngjyrat dhe peizazhet e veçanta që të ofron kjo stinë, e natyrisht…çmime më të lira. Jo më kot agjencitë turistike që prezantojnë oferta për pushime, këtë periudhë servirin një pafundësi alternativash për të kaluar disa ditë në Paris, Londër, Barcelonë, Amsterdam apo Romë. Kjo është dhe stina e duhur për të vizituar kryeqytetet evropiane, për t’u njohur me kulturën e tyre, pse jo për të shijuar ushqimin apo pijet vendase.

Në krye të listës së qyteteve që vlejnë të shihen në vjeshte qëndron Vjena. Kjo edhe për shkak të festivaleve që zhvillohen gjatë muajt nëntor. Arkitektura e veçantë, monumentet e kulturës apo edhe muzeumet të japin mundësi që çdo orë e kaluar në kryeqytetin austriak të jetë e paharruar. Por, nëse nuk keni shumë ditë në dispozicion për të udhëtuar, edhe në Dubrovnik mund të kalohet shumë mirë. I konsideruar si perla e Mesdheut, Dubrovniku gjendet 412 metra mbi nivelin e detit, është i arritshëm dhe me teleferik, nga i cili mund të shijoni një panoramë të qytetit dhe detit. Në fakt, ky vend është i famshëm për lokalet e shumta, pub-et, baret, restorantet dhe diskotekat e hapura deri vonë të qytetit. Në këtë periudhe dhe çmimet janë më të mira se në sezonin e verës kur ka një fluks turistesh.