Të dua përgjithmonë, Valentini im!

Për shumë njerëz Shën Valentini është një ditë si gjithë të tjerat. Për romantikët është një takim i pazëvendësueshëm për të shkëmbyer fjalë dhe dhurata dashurie. Për ata me fat, të paktët, që kanë kursyer pak para mund t’ja”mbathin” larg qytetit të tyre. Sepse këtë vit festa e të dashuruarve bie pikërisht ditë pushimi, pra të diel dhe mund ti bëni njeri-tjetrit vikendin dhuratë. Shën Valentini është në përgjithësi një rast për ta çuar përpara lidhjen tënde me gruan e ëndrrave tua ose me burrin pas të cilit ke humbur mendjen. Për ata që tashmë kanë një dashuri të konsoliduar, është një mënyrë për të ndaluar një çast, për të ngrënë një darkë nën dritën e qirinjve, të vështroheni në sy dhe të silleni si dy adoleshentë pavarësisht viteve që keni “mbi shpinë”.

Si ta befasosh sot

‘Të dua’ ndonjëherë nuk mjafton. Një gjest dashurie, edhe më pak. Për ta befasuar, ta lumturosh të dashurin duhet ta godasësh në emocionet e tij. Ja disa këshilla për të festuar më bukur Shën Valentinin.

Zgjidh dhuratën e duhur. Sa herë themi “nuk di çfarë dhurate t’i bëj” dhe në fund zgjedhim atë që na pëlqen? Dhurata e duhur është ajo që na bën të ndjehemi edhe ne pjesë e saj. Bëj kujdes aspektit simbolik. Nuk ka rëndësi dhurata në vetvete, sesa ideja për t’i bërë të duhurën. Një telefon ka domethënien e komunikimit, portofoli ka kuptimin e parasë dhe fuqisë, diamanti tregon impenjimin dhe pasionin. Një dhuratë duhet të funksionoj për të rizgjuar dëshirat.

Shën Valentini nuk është i gjithë viti. Do të ishte i mërzitshëm nëse do të ishte kështu! Atë çka mund të bësh gjithë vitin është të përmirësosh kapacitetin të jesh i përqendruar te tjetri. Shën Valentini është një moment për të rinovuar dashurinë. Dhurata mund të mos jetë materiale, nëse partneri e mendon gjithmonë në të njëjtën mënyrë atëherë ti duhet të bësh diçka që ai nuk e pret. Ndihmoje të dashurin tënd të jetë ai çfarë dëshiron me të vërtet. Ky është sekreti i dashurisë së brendshme. Ndonjëherë mund të jetë e rrezikshme, por duke e vënë të dashurinë tonë në qendër të vëmendjes dhe ta ndihmojmë të realizojë të jetë ai që do tregon dashurinë tonë për të pa kushte. Femrat janë më të ndjeshme, i duan surprizat, ndërsa jo të gjithë meshkujt i vlerësojnë kaq shumë. Janë më të ftohtë, frikësohen se ndoshta surpriza është ndonjë kërcënim për nevojën e tyre për të kontrolluar, janë më të mbrojtur ndaj kësaj. Andaj duhet të edukohen me befasi të braktisin pjesën racionale dhe ta lënë të lirë personalitetin dhe karakterin e tyre në këto momente. Duhet të godasësh në shenjë me detajet e tua të veçanta. E thënë më rëndomtë nuk mjafton vetëm t’i thuash: sa mirë po dukesh me këtë këmishë, por ndoshta, sa mirë po dukesh me këtë këmishë, e cila nxjerr në pah dritën e syve të tu.

Për Shën Valentinin kemi një mundësi të veçantë, që në përgjithësi nuk na prezantohet gjatë gjithë vitit. Mund të komunikojmë edhe me lule. Duke dhuruar një trëndafil, sipas ngjyrës së karakterit të personit, mund të dërgojmë një mesazh personit që dashurojmë. E njohur si “lulegrafia”, origjinën e ka nga antikiteti oriental, i ashtuquajtur “gjuha e luleve”, sidomos në shekullin e 18, dërgoheshin me mijëra trëndafila për të shprehur ndjenjat që jo gjithmonë shfaqeshin hapur. Ideja për të komunikuar me lule i intrigon edhe sot të dashuruarit me një avantazh më shumë; ne kemi më shumë alternativa për të zgjedhur.

Të martohesh në 14 shkurt, romantike dhe ekonomike

Të martohesh në qytetin e dashurisë romantike e pasiononte të Zhuljetës dhe Romeos është ëndrra e çdo çifti. Dhe nëse kjo do të ndodhte në një ditë domethënëse për të dashuruarit, në Shën Valentin, ëndrra do të bëhej edhe më e pabesueshme. Një iniciativë shumë bukur për të dashuruarit “Të dua..në Veronë përgjithmonë!”, prej këtij viti çdo 14 shkurt do t’i ofrojë çdo të dashuruari mundësinë për dasmë. Por edhe për të dhënë premtimin e fejesës, për vetëm 400 euro ndërsa për çiftet që do të jenë jashtë kufijve të BE-së, kjo kosto shkon deri në një mijë euro. Në paketën e dashurisë përfshihen të tjera surpriza, për njerëzit që kanë vendosur t’ja dhurojnë jetën e vet njeriut që dashurojnë, do të përfshijë edhe buqetën me lule për nusen, muzikën tradicionale e shumë të tjera.

Shën Valentini, çfarë stresi!

Shën Valentini sot është te porta dhe çiftet e festojnë dashurinë e tyre me darka, me qirinj, trëndafila dhe dhurata romantike që ta drithërojnë zemrën. Por në mes të kësaj ëmbëlsie, përkëdhelje, ka mundësi që ditën e sotme ta kalojmë vetëm. ta janë në fakt shumë femra që nuk gjejnë “paqe” në këtë ditë sepse Kupidi i tyre është kthyer kundër tyre. Andaj sot ato duhet të durojnë shoqet e tyre të cilat do ti bezdisin se a do ti pëlqej dhurata, është veshur bukur, si po duket e gjëra të këtij lloji, dhe më e keqja qëndron kur i takon një ditë më pas, kur ‘të lodhin” kokën për natën e mëparshme. Megjithatë femra dhe meshkuj që jeni beqarë mos u mërzisni sepse “princi apo princesha e kaltër’ ekziston, por jo këtë 14 shkurt.